Heidi Z’graggen

Us der alemannische Wikipedia, der freie Dialäkt-Enzyklopedy

D Heidi Z’graggen (* 1. Februar 1966), heimatberechtiged z Gùùrtnällä isch e Schwiizer Politikeri (CVP). Si isch Regiirigsrötin im Kanton Üüri.

Läbe[ändere | Quälltäxt bearbeite]

D Heidi Z’graggen isch usbildeti Primarlehrere und het früehner z Sììlenä unterrichtet. Denebe het si Politikwüsseschafte a de Universitäte z Bärn und z Gämf gschtudiird. Nach em Lizenziat isch si Assischtentin an de Uni Bärn gsi und het im 2008 zum Thema Professionalisirig vo Parlamänt im historische und internationale Verglich promoviirt. Vo 2002 bis 2004 het si au Volkswirtschaftsleh und Staatskund anere private Handelsschuel z Bärn unterichtet.

Im 2004 isch si in de Regirigsrot vom Kanton Üüri gwählt worde und het d Juschtizdirektion übernoh. Bi de Wahle i de Johr 2008, 2012 und 2016 isch si ame bestätiged worde. Aafags 2010 het si bi de Ersatzwahl für en Ständerotssitz kandidiird, aber d Wahl gege de Markus Stadler verlore.

Bi de Bundesratsersatzwahl am 5. Dezember 2018 isch si als eine vo de beide offizielle Kandidatinne vo de CVP für d Nochfolg vo de Doris Leuthard vorgschlage gsi. Scho im erschte Wahlgang isch aber d Walliseri Viola Amherd gwählt worde.

Weblink[ändere | Quälltäxt bearbeite]