Hebron

Us der alemannische Wikipedia, der freie Dialäkt-Enzyklopedy
Hebron
الخليل
חברון

Stadtaasicht
Wappen
Wabbe
Verwaltig: Palestina Palestinensischi Autonomiigebiet
Gebiet: Westjordanland
Guwernemänt: Hebron
Koordinaten: 31° 32′ N, 35° 6′ OKoordinate: 31° 32′ 0″ N, 35° 5′ 42″ O
Hööchi: 930 m
 
Iiwooner: 202.172 (2014[1])
 
Zitzoone: UTC+2
 
Website:
Hebron (Palästinensische Autonomiegebiete)
Hebron (Palästinensische Autonomiegebiete)
Hebron
Hebron
Hebron

Hebron (Arabisch الخليل al-Chalīl, Hebräisch חברון Chewron) isch e Stadt im Westjordanland mit öbbe 202'172 Iiwooner (2014).[2] D Stadt lit 30 km südlig vo Jerusalem uf ere Hööchi vo 930 m. Sie isch dr Sitz vo dr Uniwersidäät Hebron und von ere Polytechnische Hochschuel. Hebron isch d Hauptstadt vom Guvernemänt Hebron.

Sit em 6-Daag-Chrieg[ändere | Quälltäxt bearbeite]

Im Säggsdaagchrieg 1967 het Israel s Westjordanland erooberet und milidäärisch bsetzt.

D Juude vo dr Stadt, wo e Däil von ene 1929 im ene Pogroom ermordet worde isch, si 1936 vo de Brite us dr Stadt ewakuiert worde. 1968 si zum erste Mol wider Juude in d Stadt cho woone, wo dr Mosche Levinger, wo spööter mitghulfe het, d Organisazioon Gusch Emunim z gründe, und 79 witeri jüüdischi Israeli sich ooni Gnäämigung vo dr israelische Bsatzigsmacht im ene Hotel z Hebron niidergloo häi und denn die israelischi Siidlig Kirjat Arba usserhalb vo Hebron gründet häi.[3] In Hebron sälber lääbe öbbe 800 Juude in dr Altstadt, wo vo dr israelische Armee abgsicheret wird.

Die jüüdische Siidler ghööre zu de radikalste Israeli, und au die muslimisch Bevölkerig, wo under em antisemitische Reschiim vom Jordanische Köönigriich sozialisiert worde isch und denn nid weenig under dr israelische Bsatzig glitte het, isch extremistisch. Aagriff vo dr äinte Site uf die anderi git s nid nume sit dr Intifada, und die israelische Soldate wärde immer wider vo bäide Bardeie aagriffe.

Litratuur[ändere | Quälltäxt bearbeite]

  • Peter Welten: Artikel Hebron. In: Theologische Realenzyklopädie 14 (1985), S. 521–524 (Archäologie, Geschichte, Bibel)
  • Fabio Maniscalco (Hrsg.): Protection, conservation and valorization of Palestinian cultural property. monographic series Mediterraneum. Protection and exploitation of cultural and environmental property, vol. 5, Naples 2005
  • Ibrahim Iqtait: An Architectural Survey of Raboud (South of Hebron). In: Web Journal on Cultural Patrimony, vol. 1, January-June, 2006
  • Detlef Jericke: Hebron. In: Michaela Bauks, Klaus Koenen, Stefan Alkier (Hrsg.): Das wissenschaftliche Bibellexikon im Internet (WiBiLex), Stuttgart 2006 ff.
  • Eric Hazan: Reise nach Palästina. Edition Nautilus, Hamburg 2008, ISBN 978-3-8940157-0-1, besonders S. 59ff.

Weblingg[ändere | Quälltäxt bearbeite]

 Commons: Hebron – Sammlig vo Multimediadateie

Fuessnoote[ändere | Quälltäxt bearbeite]

  1. Palästinensisches Zentralamt für Statistik
  2. Palestinian Central Bureau of Statistics
  3. Ehud Sprinzak: The Ascendance of Israel’s Radical Right. Oxford University Press, New York, N.Y. [etc.] 1991, ISBN 0-19-505086-X, S. 47.
Dä Artikel basiert uff ere fräie Übersetzig vum Artikel „Hebron“ vu de dütsche Wikipedia. E Liste vu de Autore un Versione isch do z finde.