Hans Flügel (Dichter)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Hans Flügel (* 10. Dezämber 1926 z Singe; † 20. April 2018 ebe dert) isch e dytsche Speditionschaufmann un alemannische Dialäktautor gsii.

Läbe un Wärch[ändere | Quälltäxt bearbeite]

Dr Flügel het Ändi 1970er Johr aagfange näbe syre Arbet as Speditionschaufmann uf Alemannisch zschrybe. Är het Theaterstuck, Verzellige, Gedicht un Glosse gschribe. Syy erscht Mundarttheaterstuck isch anne 1979 entstande. Im Lauf vu dr Johr het er insgsamt nyyn Theatestuck gschribe, wu zwai dervu vu dr Hegauer Mundartbühne z Singe ufgfiert wore sin. Anne 1982 un 1985 het er zwai Mundartbiecher im Südkurier-Verlag uusebrocht. Iber dr Singemer Dialäkt het dr Flügel mit em Buech „We d'Singemer früehner gschwätzt hond“ vu 1995 e „unterhaltsame Mundartkunde“ (Untertitel) gschribe.

Mer chänt dr Hans Flügel vor allem dur syyni Dialäktglosse, wun er langi Johr unter em Pseudonym „Krummuli“ in dr Singemer Uusgob vum Südkurier gschribe het.

Bydreeg het er au iber vyl Johr verfasst fir s „Singener Jahrbuch“. Au im Radio un im Färnseh isch dr Flügel ab un zue ufdrätte.

An dr Fasnet het er als Rede ghalte bi dr „Mondfänger-Zunft“ z Wange am Untersee un Bydreeg gschribe fir Narrezytige. D Poppelezunft Singe het e um Ehrezumftgsell ernännt un z Langestei isch er Narremaischter wore.

Är het mit syre Frau Charlotte in syre Haimestadt gläbt. Am 20. April 2018 isch er im Alter vu 91 Johr gstorbe.

Schrifte[ändere | Quälltäxt bearbeite]

  • Sunneschii und Regeböge. Südkurier Verlag Konstanz, 1982
  • Me isch au nu ein Mensch. Südkurier Verlag Konstanz 1985
  • We d' Singemer früehner gschwätzt hond. Gruppe Hegau der Muettersproch-Gsellschaft und der Verein für Geschichte des Hegaus e. V. Singen (Hohentwiel) 1995
  • Geflügeltes Alemannisch. Eigenverlag, ISBN 3-921413-86-9, 2001

Uuszaichnige[ändere | Quälltäxt bearbeite]

  • 1991: Johann-Peter-Hebel-Medaille vu dr Muettersproch-Gsellschaft Singe
  • 1995: Anerkännungspryys vum Kulturförderkreis vum City-Ring Singe

Stimme zue sym Wärch[ändere | Quälltäxt bearbeite]

„Einfältig und hintersinnig, sanft und schnorrig, versöhnlich und bäfzig, offenherzig und verdruckst, zugespitzt und datschig, altersweise und frech – halt so, wie d Lüt sind und denket und also au schwätzet, muulet, goschet, aber au lieb sind und nobel im Usdruck und herzhaft und fründli und gwitzt, au verschmitzt, und sorglich umgont mit de Sprooch und sich e Gwisse machet – ganz wie Du!“

Weblink[ändere | Quälltäxt bearbeite]