Hans-Ulrich Rülke

Dialäkt: Undermarkgreflerisch

Hans-Ulrich Rülke, 2016

Dr Hans-Ulrich Rülke (* 3. Oktober 1961 z Duttlinge) isch e dytsche Bolitiker (FDP). Syt 2006 isch er Mitglid vum Landdag vu Bade-Wirttebärg un dert syt 2009 Vorsitzer vu dr FDP/DVP-Fraktion. Derzue isch er syt 2025 au Landesvorsitzer vu dr FDP Bade-Wirttebärg.

Uusbildig un Beruef

Noch em Abitur z Singe het dr Rülke sy Wehrdienscht z Roth bi Nürnberg un z Neuhausen ob Eck glaischtet. Derno het er an dr Universitet Konschtanz Germanischtik, Bolitik, Gschicht un Soziology studiert. Anne 1991 isch er mit ere Arbet zue Gottesbild und Poetik bei Klopstock zum Dr. phil. promoviert wore. Ab 1993 het er as Lehrer am Hilda-Gymnasium z Pforze gschafft, vu 2001 bis 2006 isch er Fachberoter fir s Oberschuelamt Charlsrue gsii.

Bartei

Dr Rülke isch anne 1985 in d FDP yydrätte. Im Johr 2000 isch er Vorsitzer vum FDP-Chraisverband Pforze/Enzchrais gsii, 2001 Mitglid vum Landesvorstand vu dr FDP/DVP un ab 2013 stellverdrättende Landesvorsitzer vu dr Bartei. Uf em 113. Landesbarteidag vu dr FDP am 13. Juni 2015 isch dr Rülke aistimmig bi zwoo Enthaltige zum Spitzekandidat vu dr Freie Demokrate fir d Landdagswahl im Merz 2016 gwehlt wore. Dodruf isch dr Rülke uf Vorschlag vum Bundesvorsitzer Christian Lindner in s nyynchepfig FDP-Bundespresidium, s eberscht un wichtigscht Fierigsorgan vu dr FDP uf Bundesebeni, ufgnuu wore.

Am 5. Jänner 2025 isch dr Rülke as Noofolger vum Michael Theurer zum Landesvorsitzer vu dr FDP Bade-Wirttebärg gwehlt wore.

Landes- un Kommunalbolitik

Dr Rülke isch anne 1999 in dr Gmairot vu Pforze gwehlt woren un isch vu 2001 bis April 2011 dert Vorsitzer vu der FDP-Fraktion gsii. Syt Mai 2014 isch er Fraktionsvorsitzer vu dr FDP/Freie-Wehler-Gmairotsfraktion.

Anne 2006 isch dr Rülke as Verdrätter vum Wahlchrais 44 (Enz) in dr Landdag vu Bade-Wirttebärg gwehlt wore. Am 16. Juni 2009 isch er zum erschte Mol vu dr FDP/DVP-Landdagsfraktion zum Vorsitzer gwehlt wore. Noch em Wideryzug in Landdag no dr Wahl am 27. März 2011 isch er wider zum Fraktionsvorsitzer gwehlt wore. Är isch au finanz- un wirtschaftsbolitische Sprächer vu dr Fraktion.

Bi dr Landtagswahl 2016 isch dr Rülke zuesätzli no im Wahlchrais Pforze aadrätte. Är het in beede Wahlchrais e Zwaitmandat gwunne un ab do dr Wahlchrais Pforze im Landdag verdrätte. Bi dr Landdagswahl 2021 isch er wider iber e Zwaitmandat im Wahlchrais Pforze in Landdag gwehlt wore. er erneut über ein Zweitmandat im Wahlkreis Pforzheim in den Landtag einziehen. Au bi dr Landdagswahl 2026 dritt er wieder as Spitzekllanbdidat vu dr syre Bartei aa.

Privats

Dr Rülke isch evangelisch, ghyrote, het drei Chinder un läbt z Pforze.

Weblink

 Commons: Hans-Ulrich Rülke – Sammlig vo Multimediadateie

• Websyte vum Hans-Ulrich Rülke
• Abgordneteprofil bim Landdag Bade-Wirttebärg in dr 16. Wahlperiod
• Profilsyte bi dr FDP/DVP-Fraktion

Fueßnote

Dä Artikel basiert uff ere fräie Übersetzig vu dere Version vum Artikel „Hans-Ulrich_Rülke“ vu de dütsche Wikipedia. E Liste vu de Autore un Versione isch do z finde.