Hans-Adam II.

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Firscht Hans-Adam II. vu un zue Liechtestai

Dr Hans-Adam II. (volle Name: Johannes Adam Ferdinand Alois Josef Maria Marko d’Aviano Pius Fürst von und zu Liechtenstein, Herzog von Troppau und Jägerndorf, Graf zu Rietberg, Regierer des Hauses von und zu Liechtenstein;14. Februar 1945 z Züri, Schwyz) isch dr regierend Firscht un Staatsoberhaupt vu Liechtestai un Schef vum Firschtehuus Liechtestai.[1]

Läbe[ändere | Quälltäxt bearbeite]

Chindhait un Uusbildig[ändere | Quälltäxt bearbeite]

Dr Hans-Adam II. isch anne 1945 z Züri uf d Wält chuu as Suhn vum Firscht Franz Josef II. vu Liechtestai (1906–1989) un sällem syre Frau Firschti Gina (1921–1989). Ä het sy Name no sym Vorfahr Firscht Johann Adam Andreas (Hans-Adam I.) un no sym Getti Papscht Pius XII iberchuu. Är isch im Firschtehuus z Vaduz ufgwachsen un het d Volksschuel z Vaduz absolviert, voreb er an s Schottengymnasium z Wien gangen isch. Anne 1960 isch er uf Zuoz uf s Gymnasium Lyceum Alpinum gange, wun er mit dr Schwyzer Matura un em dytschen Abitur abgschlosse het. Är het derno z London ne Praktikum gmacht bin ere Bank. Anne 1969 het er s Studium an dr Universitet St. Galle mit em Lizentiat in Betribs- un Volkswirtschaft abgschlosse.

Eh un Familie[ändere | Quälltäxt bearbeite]

Am 30. Juli 1967 het dr domolig Erbprinz Hans-Adam in dr katholische Stadtpfaarchilche St. Florin z Vaduz d Grefi Marie Kinsky von Wchinitz und Tettau ghyrote. Us dr Eh sin vier chinder firigange, wo dr Titel Prinz (Prinzessin) von und zu Liechtenstein, Graf (Gräfin) von Rietberg un d Aared Durchlaucht fiere:

  • Dr Erbprinz Alois (* 1968) isch mit dr Sophie Prinzessin vu Bayern (* 1967) ghyrote. Si hän vier Chinder:
Joseph Wenzel Maximilian Maria (* 24. Mai 1995)
Marie Caroline Elisabeth Immaculata (* 17. Oktober 1996)
Georg Antonius Constantin Maria (* 20. April 1999)
Nikolaus Sebastian Alexander Maria (* 6. Dezember 2000).
  • Dr Prinz Maximilian (* 1969) isch mit dr Angela Brown (* 1958) ghyrote. Si hän e Suhn:
Alfons Constantin Maria (* 18. Mai 2001).
  • dr Prinz Constantin (* 1972) isch mit dr Grefi Marie Kálnoky von Kőröspatak (* 1974) ghyrote. Si hän zwee Sihn un ai Dochter:
Moritz Emanuel Maria (* 27. Mai 2003)
Georgina Maximiliana Tatiana Maria (* 23. Juli 2005)
Benedikt Ferdinand Hubertus Maria (* 18. Mai 2008).
  • Dr Prinzässi Tatjana von Liechtenstein (* 1973) isch mit em Philipp von Lattorff (* 1968) ghyrote. Si hän sibe chinder:
Lukas Maria (* 13. Mai 2000)
Elisabeth Marie Angela (* 25. Januar 2002)
Marie Teresa (* 18. Januar 2004)
Camilla Maria Katharina (* 14. November 2005)
Anna Pia Theresia Maria (* 3. August 2007)
Sophie Katharina Maria (* 30. Oktober 2009)
Maximilian Maria (* 17. Dezember 2011)

Vermege[ändere | Quälltäxt bearbeite]

S Vermege vum Firschtehuus, wu au d LGT Bank derzue zellt, wird vu dr Stiftung Fürst Liechtenstein ghalte un lyt no Schetzige bi mehrere Milliarde Franke. Mit eme Vermege vu 5 Milliarde Dollar isch dr Hans-Adam II. dr sechstrychscht Monarch uf dr Wält.[2]

Offiziälli Ufgabe[ändere | Quälltäxt bearbeite]

Anne 1984 isch er as Stellverdrätter vu sym Vater yygsetzt wore. No däm sym Dod het dr Hans-Adam II. 1989 d Regierig ibernuu. Unter syre Feirig isch Liechtstai dr Verainte Natione un em EWR bydrätte.

Anne 2003 isch e Vorschlag vum Firscht zue dr neie liechtenstainische Verfassig v u vilne Kriter e Ruggschritt in dr Absolutismus gnännt wore. Bi dr Volksabstimmig het aber d Mehhait vu dr Bevelkerig (64,3 %) zuegstimmt. Au international fir Ufgsää hän em Hans-Adam sy Uussag im Wahlkampf, är wurd bin ere Niderlag s Land uf Wien verloo, un ass er bi dr Droonred zue dr Ereffnig vum Barlemänt d Kritiker vum Vorschlag indiräkt mit dr liechtestainische Aahänger vum Dritte Rych vergliche het.

Am 15. Augschte 2004 het er sy Suhn Alois as sy Stellverdrätter yygsetzt un het em d Staatsgschäft iberchuu.

Dr Hans-Adam II. isch Ehremitglid vu dr K.Ö.H.V. Nordgau Wien im ÖCV un vum Cartellverbands der katholischen deutschen Studentenverbindungen Nordgau-Prag z Koblenz. Derzue isch er Ehreprotektor vu dr Liechtenstainische Akademische Verbindig Rhymark un Ritter vum Orde vum Guldine Vlies z Eschtrych. Är isch Mitglid vu dr Friedrich A. von Hayek-Gsellschaft.

Titel, Aared un Woobe[ändere | Quälltäxt bearbeite]

s Woobe vu dr firschtlige Familie

Dr voll Titel vum Hans-Adam II. isch noch em liechtestainische Huusgsetz:

Fürst von und zu Liechtenstein, Herzog von Troppau und Jägerndorf, Graf zu Rietberg, Regierer des Hauses von und zu Liechtenstein.[3]

Alli Mitglider vum Huus hän d Aared Durchlaucht un fiere s Woobe vu dr Firschtlige Familie.[1]

Vorfahre[ändere | Quälltäxt bearbeite]

Ahnedafele vum Firscht Hans-Adam II. von und zu Liechtenstein
Ururgroßeltere

Prinz
Franz de Paula von und zu Liechtenstein
(1802–1887)
∞ 1841
Grefi
Julie Potocka
(1818–1895)

Firscht
Alois II. von Liechtenstein
(1796–1858)
∞ 1831
Grefi
Franziska Kinsky von Wchinitz und Tettau
(1813–1881)

Erzherzog
Franz Karl von Österreich
(1802–1878)
∞ 1824
Prinzässi Sophie Friederike von Bayern
(1805–1872)

König
Michael I. (Portugal)
(1802–1866)
∞ 1851
Prinzässi Adelheid von Löwenstein-Wertheim-Rosenberg
(1831–1909)

Grof Johann Nepomuk von Wilczek
(1837–1922)
∞ 1858
Grefi
Emma Emo-Capodilista
(1833–1924)

Firscht Ferdinand Bonaventura Kinsky von Wchinitz und Tettau
(1834–1904)
∞ 1856
Prinzässi
Marie von und zu Liechtenstein
(1835–1905)

Grof Johann-Baptist Kinsky von Wchinitz und Tettau
(1815–1868)
∞ 1842
Iphygenia Therese Dadiany de Gyulvetz
(1821–1882)

Grof
Georg Festetics von Tolna
(1815–1883)
∞ 1849
Grefi Eugenie Erdődy von Monyorókerék und Monoszló
(1826–1894)

Urgrosseltern

Prinz Alfred von und zu Liechtenstein
(1842–1907)
∞ 1865
Prinzässi Henriette von und zu Liechtenstein (1843–1931)

Erzherzog Karl Ludwig von Österreich
(1833–1896)
∞ 1873
Prinzässi Marie Therese vu Portugal
(1855–1944)

Grof Joseph von Wilczek
(1861–1929)
∞ 1884
Grefi Elisabeth Kinsky von Wchinitz und Tettau
(1865–1941)

Grof Zdenko Kinsky von Wchinitz und Tettau
(1844–1932)
∞ 1877
Grefi Georgine Festetics von Tolna
(1856–1934)

Großeltere

Prinz Alois von und zu Liechtenstein (1869–1955)
∞ 1903
Erzherzogi Elisabeth Amalie von Österreich (1878–1960)

Grof Ferdinand von Wilczek (1893–1977)
∞ 1921
Grefi Norbertine Kinsky von Wchinitz und Tettau (1888–1923)

Eltere

Princely Hat.svg
Firscht Franz Josef II. (1906–1989)
∞ 1943
Grefi Georgina von Wilczek (1921–1989)

Princely Hat.svg
Fürst Hans-Adam II. (* 1945)

Schrifte[ändere | Quälltäxt bearbeite]

Literatur[ändere | Quälltäxt bearbeite]

  • Wer ist wer- Wer tut was. Handbuch für das Fürstentum Liechtenstein. Frank P. van Eck Verlagsanstalt 1995, Seiten VII-IX Biografien der fürstlichen Familie.
  • Deutsches Adelsarchiv e. V. (Hrsg.): Genealogisches Handbuch des Adels (GHdA). Genealogisches Handbuch der Fürstlichen Häuser. Fürstliche Häuser Band XIV. C.A. Starke Verlag Limburg a.d.Lahn, 1991, (GHdA Band 100), S. 65-84.
  • Wilhelm Karl Prinz von Isenburg: Stammtafeln zur Geschichte der europäischen Staaten. Band I. Die deutschen Staaten. 2.verbesserte Auflage. J.A.Stargardt Verlag, Marburg 1953, Tafeln 175-179.
  • Detlef Schwennicke (Hrsg.): Europäische Stammtafeln. Stammtafeln zur Geschichte der europäischen Staaten. Neue Folge (EST NF), Band III / 1. J.A.Stargardt Verlag, Marburg, (EST NF III/1) Tafeln 30-39.
  • Norbert Jansen: Franz Josef II. Regierender Fürst von und zu Liechtenstein. Festschrift zum 40.Regierungsjubiläum S.D. . Amtlicher Lehrmittelverlag, Vaduz 1978. (mehrsprachige Ausgabe deutsch-englisch-französisch).
  • Harald Wanger: Die regierenden Fürsten von Liechtenstein. Frank P.van Eck Verlagsanstalt, Triesen 1995, ISBN 3-905501-22-8.
  • Verfassung des Fürstentums Liechtenstein vom 5.Oktober 1921. In: Liechtensteinisches Landesgesetzblatt, Jahrgang 1921, Nr. 15, Ausgabe vom 24. Oktober 1921.
  • Verfassungsgesetz vom 28.Juni 1984 über die Ergänzung und Abänderung der Verfassung vom 5.Oktober 1921 (Einrichtung einer Stellvertretung) . In: Liechtensteinisches Landesgesetzblatt, Jahrgang 1984, Nr. 28, Ausgabe vom 18. August 1984.
  • Hausgesetz des fürstlichen Hauses Liechtenstein vom 26.Oktober 1993. In: Liechtensteinisches Landesgesetzblatt, Jahrgang 1993, Nr.100, Ausgabe vom 6. Dezember 1993.
  • Hans-Adam II. im Munzinger-Archiv (Artikelaafang frei abruefbar)

Weblink[ändere | Quälltäxt bearbeite]

 Commons: Hans-Adam II – Sammlig vo Multimediadateie

Fueßnote[ändere | Quälltäxt bearbeite]

  1. 1,0 1,1 Das Fürstenhaus von Liechtenstein: Hausgesetz Archivlink (Memento vom 19. Septämber 2015 im Internet Archive) vum 26. Oktober 1993, I. Das Fürstliche Haus Liechtenstein, Art. 2: Titel der Mitglieder des Fürstlichen Hauses
  2. In Pictures: The World's Richest Royals: No. 6: Prince Hans-Adam II von und zu Liechtenstein In: Forbes Magazine, 20. August 2008
  3. Hausgesetz des Fürstlichen Hauses Liechtenstein vom 26. Oktober 1993 (PDF; 64 KB)
    Hausgesetz des fürstlichen Hauses Liechtenstein vom 26. Oktober 1993 (Memento vom 19. Septämber 2015 im Internet Archive) Archivlink (Memento vom 19. Septämber 2015 im Internet Archive) In: Liechtensteinisches Landesgesetzblatt, Johrgang 1993 Nr. 100 uusgee am 6. Dezämber 1993


Information icon.svg Dä Artikel basiert uff ere fräie Übersetzig vu dere Version vum Artikel „Hans-Adam_II.“ vu de dütsche Wikipedia. E Liste vu de Autore un Versione isch do z finde.