Hadrian III.

Dr Hadrian III. (* vor 884; † Mitti Septämber 885 z San Cesario sul Panaro bi Modena) isch vu 884 bis zue sym Dod Papscht gsii. Är stammt wie d Päpscht Hadrian I. un Hadrian II. us em remische Gschlächt Colonna.

Dr Hadrian III. isch am 17. Mai 884 as Noofolger vum Papscht Marinus I. inthronisiert wore. Är isch uf dr Rais zum Rychsdag z Worms gstorbe, wu ne dr oschtfränkisch Chenig Karl dr Dick derzue yyglade ghaa het go iber d Neibsetzig vu vakanter Bischtimer dischpetiere un iber d Frog, eb dr minderjehrig Chaisersuhn Noofolger vum Karl chennt wäre.

Dr Hadrian III. wird as Hailige verehrt; sy Patronatsfescht isch am 8. Juli.

Literatur

• Rudolf Schieffer: Hadrian III. In: Lexikon des Mittelalters, Bd. 4 (1989) Sp. 1823.
• Friedrich Wilhelm Bautz: Hadrian III. In: Biographisch-Bibliographisches Kirchenlexikon (BBKL). Band 2, Hamm 1990, ISBN 3-88309-032-8, Sp. 427.

Weblink

 Commons: Hadrian III. – Sammlig vo Multimediadateie

Vorgänger Marinus I.

Papscht 884–885

Nochfolger Stephan V.

Dä Artikel basiert uff ere fräie Übersetzig vu dere Version vum Artikel „Hadrian_III.“ vu de dütsche Wikipedia. E Liste vu de Autore un Versione isch do z finde.