Gustav Adolf Seiler (Bolitiker)
|
Dä Artikel isch über e Schwizer Bolitiker Gustav Adolf Seiler. Für anderi Bedütige vom Begriff lueg doo. |
Dr Gustav Adolf Seiler (* 4. Mai 1875 z Frauefäld; † 7. Merz 1949 z Lieschtel, Burger vu Frenkedorf) isch e Schwyzer Bolitiker gsii.
Lääbe
[ändere | Quälltäxt bearbeite]Dr Seiler isch e Suhn vum Leher un Philolog Gustav Adolf Seiler gsii. Är isch z Lieschtel un z Basel uf d Schuel gange un het derno z Basel un z Leipzig Rächtswisseschafte studiert. Anne 1899 het er zum Dr. iur. promoviert. Vu 1901 bis 1922 het es as Rächtsaawalt z Lieschtel gschafft un as Bundesrotsvedrdrätter in dr Pfandbriefbank vu dr Schwyzerische Hypothekarinschtitut.
Vu 1904 bis 1910 isch dr Seiler Bresidänt vum Baselbieter Kriminalgricht un vu 1911 bis 1922 fir di Demokratisch-Volkswirtschaftli Verainigung vu dr Baselbieter Landrot gsii, wu er vu 1916 bis 1917 Bresidänt gsii isch. No dr Barlemäntswahle 1914 isch er bis 1943 im Nationalrot ghockt un het dert d Finanzkommission un d Kommission fir s Strofgsetzbuech bresidiert. Vu 1922 bis 1939 isch er Baselbieter Regierigsrot gsii un het dert d Finanz- un Militärdirektion ghaa.
Dr Seiler isch e prominänte Fierer vu dr Bewegig fir e sälbschtändig Baselbiet gsii, het verschideni Verwaltigsratsmandat ghaa un isch ab 1936 Ehreburger vu Lieschtel gsii.
Syter anne 1905 isch er mit dr Frieda Hedwig Honegger ghyrote gsii.
Literatur
[ändere | Quälltäxt bearbeite]- Erich Gruner: Die schweizerische Bundesversammlung 1848–1920. Francke, Bern 1966, Bd. 1, S. 484.
- Personenlexikon des Kantons Basel-Landschaft, bearbeitet von K. Birkhäuser, 1997, 138 (online)
- S. Rudin-Bühlmann: Parteigründungen im Baselbiet zwischen 1905 und 1939. 1999
Weblink
[ändere | Quälltäxt bearbeite]- Franz Wirth: Seiler, Gustav Adolf. In: Historisches Lexikon vo dr Schwiiz.
|
Dä Artikel basiert uff ere fräie Übersetzig vu dere Version vum Artikel „Gustav_Adolf_Seiler_(Politiker)“ vu de dütsche Wikipedia. E Liste vu de Autore un Versione isch do z finde. |