Gregor IV.

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Gregor IV. (Mitti) chunnt vum Rabanus Maurus (rächts) däm sy Buech iber – Darstellig us De Laude Crucis, um 831–840.

Gregor IV. (* z Rom[1]; † 25. Jänner 844 ebe dert) isch Papscht vu 827 bis 844 gsii. Är isch im Oktober 827 in dr remische Chilche Santi Cosma e Damiano gwehlt wore un het si vor syre Wei s Yyverständnis vum fränkische Chaiser gholt.

Pontifikat[ändere | Quälltäxt bearbeite]

In dr Zyt vu sym Pontifikat isch s zue schwäre Ussenandersetzige im Frankrych chuu. Dr Ludwig dr Fromm het s Rych unter syne drei Sihn us erschter Eh ufdailt ghaa. Wu 823 sy zwoot Wyb no ne Suhn (Karl dr Chahl) uf d Wält brocht het, het er dr Ufadilig vum Rych zue däm syne Gunschte gänderet.

Dr Versuech vum Ludwig em Fromme, em Pippin sy Herrschaftsbiet Aquitanie em Karl z gee, het 833 zue me Ufstand vu allne drei elter Sihn gfiert. Dr Papscht Gregor isch iber d Alpe graist un het vergäbes versuecht, e gietligi Ainigung z braiche. Schließli sin si d Heer vu dr Kontrahänte Ändi Juni 833 uf em Rothfäld bi Colmer vyl Däg gegeniber gstande, ohni ass es zue re Schlacht chuu isch. Dr Papscht Gregor IV. het us em Heerlager vum Chaiser Verhandlige mit dr Sihn gfiert, däne isch s aber glychzytig glunge, nodisno d Barteigänger vum Chaiserr uf iri Syte z zie. Dr Lothar I., em Ludwig sy eltschte Suhn, het dr Papscht fir si chenne ginne. Dr Ludwig isch abgsetzt wore, dr Papscht het gmerkt,a ss er as Marionette missbruucht woren isch.

Dr Gregor IV. het dr hailig Ansgar as Missionar uf Skandinavie gschickt, dodermit het d Chrischtianisierig vu dr Normanne aagfange. Im Byzantinische Rych isch um die Zyt dr Bilderstryt z Änd gange. Derzue het dr Gregor Allerhailige, wu in dr Oschtchilche scho syt em Papscht Bonifatius IV. gfyrt woren isch, dert aber am Sunntig no Pfingschte, fir di gsamt Weschtchilche uf dr 1. Novämber glait. Dr Gregor isch am 25. Jänner 844 z Rom gstorbe.

Dr Papst Gregor IV. giltet as Urheber vum Gregoriusfescht.

Literatur[ändere | Quälltäxt bearbeite]

  • Friedrich Wilhelm Bautz: Gregor IV.. In: Biographisch-Bibliographisches Kirchenlexikon (BBKL). Band 2, Hamm 1990, ISBN 3-88309-032-8, Sp. 307.
  • Horace Mann: Pope Gregory IV. In: The Catholic Encyclopedia. Band 6, Robert Appleton Company, New York 1909.
  • Cornelia Scherer: Der Pontifikat Gregors IV. (827–844). Vorstellungen und Wahrnehmungen päpstlichen Handelns im 9. Jahrhundert. Hiersemann, Stuttgart 2013, ISBN 978-3-7772-1308-8.

Weblink[ändere | Quälltäxt bearbeite]

 Commons: Gregor IV. – Sammlig vo Multimediadateie

Fueßnote[ändere | Quälltäxt bearbeite]

  1. GREGORIO IV, papa in Enciclopedia dei Papi
VorgängerAmtNachfolger
ValentinPapst
827–844
Sergius II.
Information icon.svg Dä Artikel basiert uff ere fräie Übersetzig vu dere Version vum Artikel „Gregor_IV.“ vu de dütsche Wikipedia. E Liste vu de Autore un Versione isch do z finde.