380-kV-Leitung Benken-Mettlen

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D' 380-kV-Leitig Benke-Mettle isch di wuel umschtrittenschti Hochspannigsläitig vu d'r Schwiiz.

Liniefüehrig[ändere | Quälltäxt bearbeite]

Im Jaar 1909 isch d Stromverbindig vu Sils im Domleschg uf Fällandä vum EWZ fertig wordä. In Bängge het mer aagfange, de Strom mit 'me Underwärch z transformiere und uf beednä Siitä vum Zürisee i d Stadt Züri z schiggä. In Samschtagere befindet sich ä wiiteri Vertäilstaziuu, wu's ä Täil vum Strom tüend abzwiige und i d Frohalp, wu äs Ussequartier vu Züri mit 'me Unterwärch isch. Di bis ietz gnännte Läitigsabschnitt händ praktisch niä für Schlagziile gsorget.

D Kontrovärse im Kantuu Zug[ändere | Quälltäxt bearbeite]

Andersch isch es im Kantuu Zug. D Läitig, wu vu Bängge chunnt, isch ä Gmäinschaftsläitig vu d'r NOK und em EW Züri. Dur ihri Doppeldräht flüüsed Stromspannige vu 220 und 380 Kilovolt. Aawonner beklaged sich über de Elektrosmog. Si händ sich zu 'me Verein zämegschlosse, zum gmäinsam gäge di Energiestrass aaträte. Si wänd zum Bischpil erräiche, ass mer diä Dräht uf d'r Hööchi vu Baar tued under ä Bodä verleggä, was d' Betriiber EWZ und NOK aber ablehnä. Nach langwirigä Verhandligä sind's zum Schluss chuu, ass diä Läitig Gsetzeskonform ischt. S Bundesgricht het ä Chlag vu de Grundbsitzer im Oktober 2006 vom abgwiise.

Si ändet we d Gotthardläitig und d Lukmanierläitig im Underwärch Mettlä bi Eibu im Kantuu Luzärn.