220-kV-Leitung Mettlen-Innertkirchen

Vu Innertchirchä im Bärner Oberland nach Mettlä bi Eibu im Kantuu Luzärn füehrt ä 220-Kilovolt-Hochspannigsläitig. Si ischt äs Gmäinschaftswärch vu dä Bärnische Chraftwärch und em Elektrizitätswärch vu dr Stadt Züri. Äinersiits hat si dr Zwäck, dä Strom, wu s EW Züri vu de Chraftwärch Oberhasli beziehd, zbefördärä. Anderersiits diänt si dr Stromversorgig im Uuftrag vu ä Bärnische Chraftwärch. Drum hät si sit äiniger Ziit ä Zwüschestaziuu bi Giswil. Ä zuäsätzlichi Liniä zwiigt sit em 1990 bi Hellbüehl nach Littau ab und isch bsunders bedüütend, will si der höchscht Schlüüderbetonmascht, ä Portalmascht enthaltet. Duezmaal händ sich Grundeigetümer gäg dr Buu gweert und sind bis vor Bundesgricht ggange, händ aber au deet kei Erfolg gchaa. Vu Littau bis Mettlä ischt d Streggi i dä spaate Achzgerjaar für 380 Kilovolt uusgläit wordä und gseht zum Täil gliich uus wiä d Läitig vu Sils uf Fällande. Au dr übrig Abschnitt söll vergrössärät wärde, will er schu über sächzg Jaar alt ischt und di technische Aaforderige nümm erfüllt. Ä-n-Uusbuu ischt schu lang vorgseeh. Di gsamti Läitigsstreggi füehrt einzig bi Giswil und im Kantuu Luzärn dur Flachland. Susch füehrt si dur Alpä und passiert Hasliberg und au mängen ander Frümdevercheersort. Ab em Unterwärch Mettlä wird dr Strom über Obfälde und Birmäschdorf uf Züri transportiert.

Bilder

• 
  Dr Mascht 301 vum Siite-n-arm nach Littau us Schlüüderbeton
• 
  D Orientierigstafälä am Maschtä 301
• 
  By Rotäburg ischt d Streggi schu für 380 Kilovolt uusgläit.

Wäblingg

 Commons: Bilder vu d'r Läitigsstreggi vu Mettlä nach Innertchirchä – Sammlig vo Multimediadateie