Gianmaria Testa

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Gianmaria Testa bim TFF Rudolstadt 2013

Dr Gianmaria Testa (* 17. Oktober 1958 z Cavallermaggiore, Provinz Cuneo; † 30. Merz 2016 z Alba, Piemont) isch en italienische Liedermacher gsii.

Lääbe[ändere | Quälltäxt bearbeite]

Dr Testa sich dr Suhn vun ere Buurefamilie gsii, wu alli Familiemitglider gsunge hän. Sy Muetersproch isch Piemontesisch gsii, was er au mit syne Verwandte alliwyl gschwätzt het. Är het sich autodidaktisch mit Musik bscheftigt un wun er Gitarre glehrt het, het er aafange mit Kompeniere. Vor syre musikalische Karriere isch er Stationsvorsteher vum Bahnhof Cuneo gsii.[1]

Em Gianmaria Testa sy samften un melankolischer Stil het Yyfliss ghaa vu klassische Liedermacher, vum Jazz un vum Folk. Sy poetischi Sproch isch satt un brezys gsii un no aigene Aagabe vu dr Expressivitet vu dr Gedicht vum Giuseppe Ungaretti un vu dr Skulpture vum Alberto Giacometti bregt gsii. D Theme vu syne Lieder hän si vylmol um Ainsemkait, Färni, verloren un widergfundeni Liebi drillt.

Di maischte Ufdritt het dr Testa in syre Haimet Italie ghaa. Zytwys isch er aber au in dr Schwyz, z Eschtrych un z Frankrych ufdrätte.

Anne 2015 het er bekannt gee, ass er e Tumor heeb. Dr Testa isch am 30. Merz 2016 z Alba an dr Folge vu syre Chranket gstorbe.[2]

Diskografy[ändere | Quälltäxt bearbeite]

  • 1995 - Montgolfières (Harmonia Mundi-Le Chant du Monde)
  • 1996 - Extra-Muros (Warner)
  • 1999 - Lampo (Warner)
  • 2000 - Il valzer di un giorno, mit ere Rezitation vu fimf Gedichte vum Testa dur dr Pier Mario Giovannone (Harmonia Mundi/IRD)
  • 2003 - Altre latitudini (Harmonia Mundi/IRD)
  • 2006 - Da questa parte del mare (Harmonia Mundi/IRD)
  • 2009 - Solo dal vivo (Produzioni Fuorivia / EGEA)
  • 2011 - Vitamia (Harmonia Mundi-Le Chant du Monde)
  • 2013 - Men at Work

Film[ändere | Quälltäxt bearbeite]

  • Bella Italia. Lieder und Landschaften. Gianmaria Testa und das Piemont. Dokumentarfilm, Deutschland, 2005, 28:20 Min., Burch un Reschy: Petra Reinfelder, Produktion: Bayerischer Rundfunk, Serie: Bella Italia: Lieder und Landschaften – L'Italia dei cantautori.

Weblink[ändere | Quälltäxt bearbeite]

 Commons: Gianmaria Testa – Sammlig vo Multimediadateie

Fueßnote[ändere | Quälltäxt bearbeite]

  1. Time in Jazz Archivlink (Memento vom 20. April 2016 im Internet Archive), abgruefen am 7. Merz 2009
  2. Alba in lutto per la scomparsa die Gianmaria Testa Archivlink (Memento vom 2. April 2016 im Internet Archive), Gazzetta d’Alba vum 30. Merz 2016
Information icon.svg Dä Artikel basiert uff ere fräie Übersetzig vu dere Version vum Artikel „Gianmaria_Testa“ vu de dütsche Wikipedia.

E Liste vu de Autore un Versione isch do z finde.