Gschwend
Gschwend (dt. Geschwend) isch e zue dr Stadt Todtnau ghörigs Schwarzwalddorf im Landchreis Lörrach (Bade-Württeberg, Dütschland).
Gschwend het ugfähr 450 Iwohner un guet 100 Gäschtebette.
Dr Ort lit zwische Todtnau un Schönau an dr B 317 bim Abzwiig uf Präg un Todtmoos uf dr Dalsohle im obere Wiisedal in guet 600 Höchi.
Am Ort git's e grossi Fabrik vum Maschinebauunternähme Zahoranski, wo u. a. Maschine fier d'Herstellig vu Bürschte baut. Es sin dert mehreri hundert Lit beschäftigt.
Dr örtlich Dialekt isch e wiisedälerischs Hochalemannisch.
Gschwend isch anno 1974 uf Todtnau igmeindet worre. Im Igmeindigsvertrag isch feschtgschribe worre, dass Gschwend e eigeni Firwehr am Ort bhaltet. Um s'Johr 2000 rum het no welle d'Stadt Geld ispare. D'Gschwender Firwehr het mer uföse un dr Brandschutz vu Todtnau us gewährleischte welle. Dr Gschwender Ortschaftsrat het aber degege klagt, wil säll e Verstoss gege dr Igmeindigsvertrag gsi wär un er het Rächt kriegt. No het d'Todtnauer Stadtverwaltig bschlosse, wenn scho e Firwehr, no aber rächt un au mit Atemschutz fier alli Firwehrmänner (und entsprechende Lehrgänge). Dodrufhi het sich d'Gschwender Firwehr freiwillig ufglöst.
