Georg vu Bade

Us der alemannische Wikipedia, der freie Dialäkt-Enzyklopedy
Dialäkt: Undermarkgreflerisch

Dr Markgrof Georg vu Bade (* 1433[1]; † 11. Februar 1484 z Moyen) het vu 1453 bis 1454 d Markgrofschaft Bade regiert un isch vu 1459 bis zue sym Dod Bischof vu Metz gsii. Är isch dr viert Suhn us dr Verbindig vum Markgrof Jakob I. vu Bade mit dr Katharina vu Lothringe gsii.

Markgrof un Bischof[ändere | Quälltäxt bearbeite]

No dr Vorgabe vu sym Großvater hän nit mee wie zwee Sihn as Erbe vu dr Markgrofschaft in Frog solle chuu. Wäge däm hän nume syne eltere Brieder Karl un Bernhard e wältligi Uusbildig kriegt un är un alli ansdere Gschwischter e sträng gaischtligi Erzieig. Dr Georg isc scho in junge Johr im gaischtlige Stand gsii, isch aber us däm churzfrischtig anne 1453 in wältlige Stand zruggchuu go as Markgrof regiere. Scho 1454 isch er aber in gaischtlige Stand zrugg un isch schließli z Metz Bischof wore. Sy Brueder Karl het no d Regierig vu dr Markgrofschaft ibernuu.

Badisch-Pfälzische Chrieg[ändere | Quälltäxt bearbeite]

Dr Georg isch 1461/1462 aktiv bim Badisch-Pfälzische Chrieg derby gsii, wu wäg dr Mainzer Stiftsfehde uusbrochen isch. Doderby hän si syter 1459 dr Diether vu Isenburg un dr Adolf II. vu Nassau um dr Stuel vum Mainzer Erzbischof gstritte.

Dr Adolf het si mit em Georg, em Trierer Erzbischof Johann II. vu Bade, em Bischof Johann II. vu Speyer un em Grof Ulrich V. vu Wirttebärg verbunde. Nodäm dr Markgrof Karl I. vu Bade zerscht versuecht ghaa het, zwische dr verstrittene Lager z vermittle, isch er aber no doch in s Adolfs Bartei an dr Syte vu sym Brueder drätte. S isch dodruf zum Badisch-Pfälzische Chrieg chuu, mit em Versuech s Bischtum Mainz mit Gwalt z neh.

Uf dr andere Syte het vor allem dr Churfirscht Friedrich vu dr Pfalz kämpft, wu syni Macht im Rhyy-Necker-Biet het welle sichere.

In dr Schlacht bi Seckenheim isch dr Georg mit syne Verbindete gschlaa wore. Dr Markgrof Karl I. un är sin verwundet un gfange gnuu wore. Wu dr Ulrich V. churz druf vum Hans vu Gemmingen gfange gnuu woren isch, het dr Chrieg mit eme Siig vum Friedrich ufghert. Är het di Gfangene uf sy Haidelbärger Schloss bringe un si dert in Chette lege loo, bis si di Leesgäldzahlige glaischtet hän, wu är gforderet het. Dr Bischof Georg het mieße 45.000 Gulde zahle, ass er freigloo wore isch, sy Brueder Karl 25.000 Gulde. Där het aber sy Aadail an dr Grofschaft Sponheim as Pfand mieße abgee un Pforze zum pfälzische Lääche mieße erklere.

Familie[ändere | Quälltäxt bearbeite]

Dr Georg het die Gschwischter ghaa:

un

  • Rudolf, unehlige Brueder, Komtur vu dr Johanniterkommende Iberlinge

Literatur[ändere | Quälltäxt bearbeite]

  • Arthur Kleinschmidt: Georg, Bischof von Metz. In: Allgemeine Deutsche Biographie (ADB). Band 8, Duncker & Humblot, Leipzig 1878, S. 681.
  • Henny Grüneisen: Georg, Markgraf von Baden. In: Neue Deutsche Biographie (NDB). Band 6, Duncker & Humblot, Berlin 1964, ISBN 3-428-00187-7, S. 219–221.
  • Johann Christian Sachs: Einleitung in die Geschichte der Marggravschaft und des marggrävlichen altfürstlichen Hauses Baden. Zweyter Theil. Lotter, Carlsruhe 1767, S. 589–602 (Iigschränkti Vorschau uf books.google.de).
  • Theodor Müller: Die Markgrafen Johann, Georg und Markus von Baden auf den Universitäten zu Erfurt und Pavia (1452 ff.). In: Zeitschrift für die Geschichte des Oberrheins, Band 45, 1891, S. 701–705 im Internet Archive
  • Karl Weinmann: Bischof Georg von Baden und der Metzer Kapitelstreit. In: Jahrbuch der Gesellschaft für lothringische Geschichte und Altertumskunde, Band 6, 1894, S. 1–94 im Internet Archive

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. 1433 Geburtsjohr no s Schöpflins Historia Zaringo Badensis; no Weinmann S. 2 Fueßnote 3: 1435 oder 1436
VorgängerAmtNachfolger
Jakob I.Markgrof vu Bade
1453–1454
Karl I.
Konrad II. Bayer von BoppardBischof vu Metz
1459–1484
Heinrich II. von Lothringen-Vaudemont
Information icon.svg Dä Artikel basiert uff ere fräie Übersetzig vu dere Version vum Artikel „Georg_von_Baden“ vu de dütsche Wikipedia. E Liste vu de Autore un Versione isch do z finde.