Gabriele Warminski-Leitheußer
| Dialäkt: Undermarkgreflerisch |
D Gabriele Warminski-Leitheußer (* 26. Februar 1963 z Waltrop) isch e dytschi Bolitikeri (SPD). Vu Mai 2011 bis Jänner 2013 isch si Landesminischteri fir Kultus, Juged un Sport vu Bade-Wirttebärg im Kabinett Kretschmann I gsii.
Läbe un Beruef[ändere | Quälltäxt bearbeite]
D Gabriele Warminski-Leitheußer her anne 1982 s Abitur z Waltrop gmacht un im Aaschluss e Uusbildig fir dr ghobene nittächnische Dienscht bi dr Chraisverwaltig Recklinghausen zur Diplomverwaltigswirti absolviert. Derno het si as Sachbearbaiteri gschafft un zwische 1986 un 1994 an dr Ruhr-Universitet Bochum Jura studiert.
Bis 2000 isch d Warminski-Leitheußer juristischi Co-Dezernänti bim Landchrais Lüchow-Dannenberg gsii. Vu 2000 bis 2008 isch si Dezernänti vum Chrais Unna, zerscht bis 2005 fir Familie, Juged, Gsundhait un Verbruucherschutz, derno fir Arbet, Sozials, Kultur un Medie gsii. Vu Merz 2008 bis Mai 2011 isch si Burgermaischteri fir Bildig, Juged, Sport un Gsundhait vu dr Stadt Manne gsii.
Bolitik[ändere | Quälltäxt bearbeite]
Noodäm si mit 16 Johr Mitglid vu dr Juso woren isch,[1] isch si 1992 wäg em Asylkompromiss us dr SPD uusdrätte. Anne 1999 isch si aber wider in d Bartei yydrätte.[2][3]
Syt em 28. Novämber 2009 isch si Mitglid im Landesvorstand vu dr SPD Bade-Wirttebärg. Vor dr Landdagswahl 2011 isch si vum SPD-Spitzekandidat Nils Schmid as Bilduisexperti in syy Schatteabinett beruefe wore. Am 12. Mai 2011 isch d Warminski-Leitheußer as Minischteri fir Kultus, Juged un Sport vu Bade-Wirttebärg im grien-rote Kabinett vum Winfried Kretschmann veraidigt wore.
Am 7. Jänner 2013 isch si vu ihrem Amt zruckdrätte[4][5]. Ihre Noofolger im Amt isch dr Andreas Stoch wore.
Bolitischi Posizione[ändere | Quälltäxt bearbeite]
D Warminski-Leitheußer isch e Kritikeri vum achtjehrige Gymnasialzug. Dr Blan z Bade-Wirttebärg wider s nyynjehrig Gymnasium yyzfiere, het si aber wider ufgee[6]. Si sträbt au d Abschaffig vu dr Verbindligkait vu dr Grundschuelempfählig aa[7] un will Gmainschaftsschuele megli mache[8].
Am 5. Augschte 2011 isch bekannt wore, dass Änglisch in dr Grundschuelklasse 1 un 2 wahrschyns wider abgschafft wäre soll[9]. D Minischteri het druf hiigwiise ghaa, dass Änglisch in dr Grundschuel nume wenig positivi Uuswirkige uf s Sprochverständnis heeb, oder sogar negativi. Scho unter s Warminski-Leitheußers Vorgänger Helmut Rau sin massivi Brobläm mit Änglisch in dr Grundschuel bekannt wore.
Fueßnote[ändere | Quälltäxt bearbeite]
- ↑ FAZ 5. Mai 2011
- ↑ Stuttgarter Zeitung 11. Mai 2011
- ↑ Ministerium für Kultus, Jugend und Sport Baden-Württemberg 2011
- ↑ Kultusministerin Warminski-Leitheußer tritt zurück (Badische Zeitung, 7. Jänner 2013)
- ↑ Warminski-Leitheußer tritt zurück (Stuttgarter Zeitung, 7. Jänner 2013)
- ↑ Interview mit Spiegel Online am 30.10.2011
- ↑ Interview auf Morgenweb (Site cha nüme abgrüeft wärde; Suche im Webarchiv)
- ↑ Südwestpresse 14. Mai 2011 Archivlink (Memento vom 18. Septämber 2011 im Internet Archive)
- ↑ Pforzheimer Zeitung vom 5. August 2011 Archivlink (Memento vom 17. Augschte 2011 im Internet Archive)
Weblink[ändere | Quälltäxt bearbeite]
Commons: Gabriele Warminski-Leitheußer – Sammlig vo Multimediadateie- Steckbrief uf dr Syte vu dr Mannimer SPD-Gmairotsfraktion
- Läbeslauf bim Minischterium fir Kultus, Juged un Sport Bade-Wirttebärg
|
Dä Artikel basiert uff ere fräie Übersetzig vum Artikel „Gabriele_Warminski-Leitheußer“ vu de dütsche Wikipedia. E Liste vu de Autore un Versione isch do z finde. |