Günther Richard Burger

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Günther Richard Burger (* 1. Juni 1924 z Konschtanz) isch e dytsche Lehrer, Haimetdichter un Naturschitzer.

Lääbe[ändere | Quälltäxt bearbeite]

Dr Burger isch z Konschtanz ufgwachse un dert au uf d Schuel gange. Wel er 1942 im Zweete Wältchrieg yygruefe woren isch, het er e „Chriegsabitur“ gmacht. Bis 1944 isch er an dr Oschtfront yygsetzt gsii, derno isch er no uf d Offiziersschuel. Noch em Chrieg het er zerscht Landwirtschaft glehrt un studiert, derno het er vu 1953 bios 1956 Pedagogik studiert. Ab 1956 het er z Büesinge as Lehrer gschafft. Vu 1964 bis 1971 isch er Schuelleiter z Talheim gsii. Anne 1971 isch er mit syre Familie uf Gottmadingen zoge, wun er e Stell as Räktor an dr Eichendorffhauptschuel aagfange het. Bis zue syre Pensionierig 1984 het er dert gschafft. Anne 1956 het er ghyrote. Sy Frau Ruth isch dodemol Chrankeschweschter gsii. Si hän zäme drei Dechtere.

Syter ass er e junge Mann isch, duet si dr Burger sozial engaschiere. Scho as Chind, anne 1931, isch er Mitglid vu dr Dytsche Läbesrettig-Gsellschaft (DLRG) wore. Derzue isch er aktiv in dr Naarezumft „Gerstensack“, wun er syter 1972 Zumftrot isch. Fascht 40 Johr lang isch er aktiv gsii bim Rote Chryz, unter anderem as Erschthilfs-Uusbilder. Syter 1959 macht er au mit bi dr Dytsche Chriegsgreberfirsorg, derzue isch er Getti vu zwai Chinder im e SOS-Chinderdorf. Au fir d Natur setzt er si syt lange Johr yy. Är isch Mitglid vum Schwarzwaldverain het d Gottmedinger Ortsgruppe mitgrindet, isch dert au Vorsitzer un Wanderfierer gsii. Är engaschiert si bim BUND, het dr Naturlehrpfad „Riederbachtal“ mitgstaltet un si fir dr Rundwäg „Katzental-Plören-Hilzingen-Dietlishofen“ un dr Gschichtspfad Gebsenstein-Altstatt-Heilsberg un Afrabrünnele yygsetzt. Fir dr Schwebisch Albverain isch er vu 1964 bis 1980 Wanderfierer gsii un au bi dr Volkshochschuel isch er 50 Johr lang Wanderfierer un Raiselaiter gsii.

Dr Burger isch Grindigsmitglid vu dr Muettersproch-Gsellschaft. Im Chrieg het er aagfange mit Gedicht schrybe. Syt 1957 schrybt er au uf Alemannisch. yni Gedicht un Gschichte drait er als bi Lääsige vor. Är het im Lauf vu dr Johr e Hufe vu syne Gedicht un Gschichte as Biecher im Aigeverlag uusebrocht.

Vum Land Bade-Wirttebärg isch er mit dr Ehrenodle uuszaichnet wore.

Wärch[ändere | Quälltäxt bearbeite]

  • Nuf un nab durch das Jahr (Mundart und Schriftdeutsch, Band 1 Frühling, Band 2 Sommer, Band 3 Herbst, Band 4 Winterv, Band 5 5. Jahreszeit). Eigenverlag, Gottmadingen 1974-1979
  • Kurzes (Sprüch in Mundart). Eigenverlag, Gottmadingen 1981
  • De Dag durre – Vom Frühlicht bis zum Mondenschein (Mundart und süddeutsch). Eigenverlag, Gottmadingen 1981
  • Süffigs vum See – Rundreis dur d Johreszitte (Mundart, Band 1 Süeße Säft un frischs Seewasser, Band 2 Rachebutzer un Sämsekräbsler, Band 3 Spoot-Läs un Bockbier). Eigenverlag, Gottmadingen 1984-87
  • Wir wandern. Vom und fürs Wandern. (Mundart und süddeutsch). Eigenverlag, Gottmadingen 1999
  • Land un Lüüt am See. E heiter-bsinnliche Rundreis mit Gedicht und Gschichtle in seealemannischer Mundart. Eigenverlag, Gottmadingen 1996

Derzue verschideni Gedicht im Heftli vu dr Muettersproch-.Gsellschaft, Alemannisch dunkt üs guet un in dr Anthology „s Johr durre“.

Weblink[ändere | Quälltäxt bearbeite]