Friburger Seä

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen


Friburger Seä
Seen von Freiburg im Breisgau
Stadtkreis Friburg im Brisgau (FR)
Bade-Württeberg, Dütschland
Seä im Stadtkreis Friburg
Allgmeins
Künstlichi Seä, in dr Regel ohni Zue- un Abfluss.
 1 - Tunisee (Hochdorf)
198 m y. NN / 0,082 km² 48° 03′ 58" N, 07° 48′ 52" O
 2 - Brisgausee (Hochdorf)
198 m y. NN / 0,037 km² 48° 03′ 43" N, 07° 49′ 04" O
 3 - Moosweiher (Landwasser)
218 m y. NN / 0,074 km² 48° 01′ 50" N, 07° 48′ 16" O
 4 - Flückiger See (Betzehüse )
239 m y. NN / 0,152 km² 48° 00′ 38" N, 07° 49′ 07" O
 5 - Dietebachsee (Wigarte)
238 m y. NN / 0,035 km² 48° 00′ 06" N, 07° 48′ 08" O
 6 - Waldsee (Waldsee)
305 m y. NN / 0,008 km² 47° 58′ 58" N, 07° 52′ 38" O
 7 - Walderschhoufemer See (Walderschhoufe)
209 m y. NN / 0,045 km² 48° 00′ 45" N, 07° 45′ 56" O
 8 - Obfiger See (Obfige)
209 m y. NN / 0,420 km² 47° 00′ 21" N, 07° 45′ 28" O
 9 - Chleiner Obfiger See (Obfige)
209 m y. NN / 0,016 km² 47° 59′ 48" N, 07° 44′ 32" O
10 - Arlisemer See (Dienge)
210 m y. NN / 0,060 km² 47° 59′ 08" N, 07° 44′ 44" O
11 - Rüttimattesee (Dienge)
205 m y. NN / 0,013 km² 47° 58′ 54" N, 07° 43′ 46" O

Uffem Bann vu Friburg im Brisgi lige mehreri grösseri un kleineri Seä, wo allisamt künschtlich aglegt sin. Bis uf dr Waldsee, wo eiges as e Usflugszil fier d'Wieremer Bevölkrig aglegt worre isch, sin alli andere Seä as Baggerseä entstande un dementsprechend mit Grundwasser ufgüllt. Numme dur dr Obfiger See fliesst e Bach, doch säller längt bi wittem nit us, dr Wasserhushald vum See z'bestimme. Im Obfiger See isch am längschte Kiis un Sand usbaggeret worre, doch wird säll sit 2007 abgwicklet.

Tunisee[ändere | Quälltäxt bearbeite]

Luftbild vum Tunisee un em Silbersee an dr Autobahnusfahrt Friburg-Nord

Dr Tunisee isch e Badesee bi Benzhuse im Stadtdeil Hochdorf, umiddelbar nordöschtlich vum Autobahnaschluss Friburg Nord an dr A5. Er lit im e Campingplatzglände.

Brisgisee[ändere | Quälltäxt bearbeite]

Dr Brisgisee (dt. Breisgausee) - au as Silbersee bekannt - lit gli südlich vum Tunisee uffem gliche Campingplatz. Dr Brisgausee isch ebefalls e Badesee un dur e Damm vum e parallel verlaufende kleinere See trennt.

Moosweiher[ändere | Quälltäxt bearbeite]

Luftbild vum Moosweiher z'Friburg-Landwasser

Dr Moosweiher lit im Stadtdeil Landwasser im e Park umiddelbar am End vu dr Strossebahnlinie 1 vu dr Friburger Verkehrs AG. Er isch ebefalls e Badesee. Bim Friburger Triathlon findet im Moosweiher s'Schwimme statt.

Flückigersee[ändere | Quälltäxt bearbeite]

Luftbild vum Flückigersee z'Friburg

Dr Flückigersee zwische dr Stadtdeile Betzehuse un Mooswald lit midde im Seepark innerhalb vu dr gschlossene Bebauig vu dr Stadt. Er isch ebefalls e Badesee, am Nordoschtufer befindet sich mit em Weschtbad s'gröscht Friburger Schwimmbad, uf dr Südsite isch d'StuSi, d'Friburger Studentesidlig. Yber zwei Strossebahnhaldestelle isch dr Flückigersee sehr guet erreichbar. D'Wasserqualität wird bi längere Hitzeperiode allerdings nimmi ideal. Dr Seepark isch 1986 s'Gelände vu dr Landesgarteschau z'Friburg gsi.

Dietebachsee[ändere | Quälltäxt bearbeite]

Luftbild vum Dietebachsee

Dr Dietebachsee (dt. Dietenbachsee) lit im Weschte vum Stadtdeil Wigarte im e grosse Park un isch ebefalls e kleine Badesee. Yber e Parkplatz an dr Weschtrandstross isch er guet mitem Auto erreichbar, dur e hervorragends Radwägnetz erschlosse un öppe 500 m vu dr nächschte Strossebahnhaldestelle äwegg.

Dr Dietebachsee neigt wäge sinere gringe Grössi im Summer zum Umkippe, so dass in sehr heisse Johre um dr Auguscht rum scho vum Bade zitwiis het müesse abgrote werre.


Waldsee[ändere | Quälltäxt bearbeite]

Dr Waldsee isch dr äldischt Friburger See. Er lit im Dreisamdal südlich vu dr Hölledalbahn im Stadtdeil Waldsee, wo uf dr See daift isch, un isch e beliebts Usflugszil mit Restaurant. Bade isch nit möglich, aber es git e Bootsverleih. Im Winter wird dr See, wenn s'Iis dick gnue isch, zum Schlittschuehlaufe freigäbe.

Walderschhoufemer See[ändere | Quälltäxt bearbeite]

Luftbild vum Walderschhoufemer See

Dr Walderschhoufemer See (dt. Waltershofer See) lit weschtlich vu dr A5 im Mooswald uf dr Gmarkig vu Walderschhoufe. Er wird vum Grundwasser vum ehemolige Riselfeld gspeist un isch dorum starch eutrophiert, so dass d'Wasserqualität fier s'Bade z'schlecht isch. Angle isch - mit Angelschin entsprechend vu dr Bestimmige - möglich.

Wäge dr Eutrophierig het mer au dr Plan, ihn mit em 100m südlich glägene Obfiger See z'verbinde, wiider falle lo.


Obfiger See[ändere | Quälltäxt bearbeite]

Luftbild vum Obfiger See

Dr Obfiger See (dt. Opfinger See) uf dr Gmarkig vu Obfige ziegt sich 100 m südlich vum Walderschhoufemer See öppe 1,5 km an dr Weschtsite vu dr A5 entlang, vu dert dur e nit emol 100m breite Streife mit eme 5-8m hoche Damm trennt. Dr See isch 200m, in dr Middi no 600m breit. Er isch dr bi wittem gröscht Friburger See. Dr Kiisabbau wird sit 2007 abgwicklet, was im Norde vum See zue Probleme füehre chännt, wil ohni dr Kiisabbau s'Wasser nimmi gnue umgwälzt wird. Mer fürchtet, dass dr See no wie dr Walderschhoufemer See umkippe chännt.

Dr Obfiger See lit midde im Mooswald un isch dr beliebstischt Badesee, wo im Süde au Grillmöglichkeite un e Kiosk het. Dr nördlich Beriich stoht under Naturschutz. Bis in die 1990er Johre het mer au vili Windsurfer uffem See gsähe, doch isch säller Sport inzwische us dr Modi chumme. D'Uferwäg sin alli gschotteret un im Süde isch e grosse Parkplatz im Wald. Die nächscht Bushaldestelle isch öppe ei Kilometer entfernt bim Chleine Obfiger See. S'Nordufer cha mer vum Riselfeld un Mundehof us guet mit em Fahrrad erreiche.

As einziger Friburger See het dr Obfiger See au e Zue- un e Abfluss, aber säller isch fier dr Wasserhushald bedütigslos. Dr See hängt wie alli anderi Baggeseä au am Grundwasser.


Chleiner Obfiger See[ändere | Quälltäxt bearbeite]

Luftbild vum Chlei Obfiger See

Dr Chlei Obfiger See (dt. Kleiner Opfinger See) lit ebefalls im Mooswald südlich vu dr Stross uf Obfige. Si Ufer isch e beliebte Grillplatz. Bade cha mer au.

Arlisemer See[ändere | Quälltäxt bearbeite]

Luftbild vum Arlisemer See im Mooswald bi Friburg

Dr Arlisemer See (dt. Arlesheimer See) im Diengemer Bann vum Mooswald lit öschtlich vu dr A5 schwer zuegänglich im e Naturschutzbiet, wo anno 1966 igrichtet worre isch. Witters zue sällem See im Hauptartikel.


Rüttimattesee[ändere | Quälltäxt bearbeite]

Luftbild vum Rüttimattesee (Diengemer Baggersee) bi Friburg-Dienge

Dr Rüttimattesee (dt. Reutemattensee) zwische Dienge (dt. Tiengen) un em Autobahnaschluss Friburg Süd isch as ehemolige Baggersee besser underem Namme Diengemer Baggersee bekannt. Er isch mit 1,3 ha Flächi e zimli kleine See un si Ufer wird gern fier Fäschtli gnutzt.[1]


Quellehiwiis[ändere | Quälltäxt bearbeite]

D'Date beruehe uf Agabe vu dr digitale amtliche Landkarte 1:25.000 vum Landesvermessigsamt Bade-Württeberg. D'Seeflächene sin mit em Flächevermessigstool vu dr Software usgmesse, d'Höheagabe beruehe uf dr Isohypse vu dr Karte. Dementsprechend sin d'Flächeagabe mit ere Usicherheit vu circa 5%, d'Höheagabe mit circa 3 m. Anhand vu dr Karte isch au georeferenziert worre, nooch Möglichkeit gäbbe d'Koordinate d'Seemiddi a.

Fueßnote[ändere | Quälltäxt bearbeite]

  1. Freiburg Tuniberg: Überraschung in Tiengen: Reutemattensee ist intakt - badische-zeitung.de. Abgrüeft am 2013-09-09.