Franz Feyerabend

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldütsch

Dr Franz Feyerabend (dauft am 11. April 1756 z Baasel, gstorbe am 23. Merz 1800 z Baasel) isch e Baasler Kunstmooler und Karikaturist gsi.

Lääbe[ändere | Quälltäxt bearbeite]

Dr Johann Jacob Fechter zäichnet vom Franz Feyerabend

Dr Franz Feyerabend isch dr Soon vom Dekorazioons- und Kunstmooler Johann Jacob Feyerabend gsi und däm sinere Frau, Anna Barbara, geb. Roseburger und dr Änkel vom Lucas Feyerabend, em erste Künstler in dr Familie. Er isch bi sim Vater in d Leer gange. Er het Supraporte und Akwarell gmoolt, wo die früene von ene eender gstaabig si. Spööter cha mä dr Iifluss vom Bärner Mooler Sigmund Freudenberger gsee. In de 1780er Joor het er verschidnigi Mooltechnike aagwändet. D Komposizioone het er bi de niiderländische und Frankfurter Mooler abgluegt. Si Talänt isch aber weniger in dr Kunstmoolerei as in dr Karikatur glääge. Er isch e Mäister gsi bim Daarstelle vo de Feeler vo sine Zitgenosse. Wichdig isch do e Serii vo Bildli mit Persönligkäite vom Baasler Ancien Régime us em Joor 1798. As Radierer het er nume Umrissstich gmacht und die sälber koloriert. As si Hauptwärk gälte d Uniformbilder vo de äidgenässische Hilfsdrubbe in Baasel (1792-95).

Dr Franz Feyerabend isch sit 1778 mit dr Christina David verhürootet gsi. Iire Soon Johann Rudolf (1779-1814) isch wie dr Babbe au Mooler worde.

Litratuur[ändere | Quälltäxt bearbeite]

  • Meier: Aus dem alten Basel: Ein Bildband mit Geschichten aus der Anekdotensammlung von Johann Jakob Uebelin (1793–1873), Springer-Verlag, 2013

Kwelle[ändere | Quälltäxt bearbeite]