Lucas Feyerabend
Dialäkt: Baseldütsch |
Dr Lucas Feyerabend (* 1687 z Baasel; begraabe am 13. Juli 1741) isch e Schwizer Schriiner und Bildhauer gsi.
Lääbe und Wärk[ändere | Quälltäxt bearbeite]
Dr Lucas (au Lukas und Lux) Feyerabend isch dr Soon vom Schriiner Jakob Feyerabend gsi. 1712 isch er as Schriiner in d Baasler Spinnwätterzumft ufgno worde. Spööter het er vor allem as Bildhauer gschafft. 1729 het er sich au in d Safrezumft iikauft. Spööter het er z Hamburg gläbt und woorschinlig au e Mol z Neuchâtel gschafft, wil er 1715 d Absicht gha het, zämme mit sinere Frau dört aane z goo und sich vo Bürgermäister und Root e Löimundzügnis het lo gee.[1]
Dr Lucas Feyerabend isch dr erst vo sim Gschlächt, wo as Künstler gschafft het. Sit 1712 isch er mit dr Chupferstächere Anna Magdalena de Beyer (1677–1741) verhürootet gsi.[2] Vo iine het d Baasler Moolerfamilie Feyerabend abgstammt, wo über drei Generazioone Künstler fürebrocht het.[3]
Noochkomme[ändere | Quälltäxt bearbeite]
- Johann Jacob (1714-1777), Soon vom Lucas, Dekorazioons- und Kunstmooler
- Augustin (1744-1790), Soon vom Johann Jacob, Dekorazioons- und Kunstmooler
- Samuel (1746-1787), Soon vom Johann Jacob, Dekorazioons- und Kunstmooler
- Franz (1756-1800), Soon vom Johann Jacob, Dekorazioons- und Kunstmooler, Karikaturist
- Johann Rudolf (1779-1814), Soon vom Franz, Dekorazioons- und Kunstmooler
Litratuur[ändere | Quälltäxt bearbeite]
- Stefan Hess, Wolfgang Loescher: Möbel in Basel. Kunst und Handwerk der Schreiner bis 1798. Baasel 2012, ISBN 978-3-856-16545-1.
- Hans B. Kälin: Die Feyerabend-Familien in Basel, in: Regio-Familienforscher 14 (2001), S. 246–256.
- Paul Koelner: Die Safranzunft zu Basel und ihre Handwerke und Gewerbe, Baasel 1935, S. 612.
Weblingg[ändere | Quälltäxt bearbeite]
- Stefan Hess: Feyerabend. In: Historisches Lexikon vo dr Schwiiz.
Fuessnoote[ändere | Quälltäxt bearbeite]
- ↑ Kwelle im Staatsarchiv Basel-Stadt. Archiviert vom Original am 23. Januar 2016; abgruefen am 24. Januar 2016.
- ↑ C. Brun (Red.): Schweizerisches Künstler-Lexikon, Bd. 1, S. 123 (Digitalisat (Memento vom 23. Jänner 2016 im Internet Archive)).
- ↑ Carl Brun (Red.): Schweizerisches Künstler-Lexikon, Bd. 1, S. 456f.; Bd. 4, S. 155.
Dä Artikel basiert uff ere fräie Übersetzig vum Artikel „Lucas_Feyerabend“ vu de dütsche Wikipedia. E Liste vu de Autore un Versione isch do z finde. |