Die Demokratischi Bardei in de Veräinigte Staate

Demokratischi Bardei Democratic Party
Vorsitzende vo dr Bardei	Tom Perez
Vorsitzende vo dr Senatsfrakzioon	Minority Leader Chuck Schumer (New York)
Vorsitzende im Representantehuus	Minority Leader Nancy Pelosi
Gründig	1828 (modärni) 1792 (historischi Gründig)
Hauptsitz vo dr Bardei	430 South Capitol Street SE Washington, D.C. 20003
Usrichdig	Amerikanische Liberalismus/Linksliberalismus Amerikanische Progressivismus
Internazionaali Verbindige	Allianz vo de Demokrate
Farbe	Blau (inoffiziell)
Website	www.democrats.org

Die Demokratischi Bardei (Democratic Party, Democrats) isch näbe dr Republikanische Partei äini vo de bäide groosse Parteie in de USA. D Demokrate gälte im Vergliich mit den Republikaner as weniger konservativ und mee am Progressivismus orientiert. S inoffizielle Wabbedier isch dr Esel, er isch aber im Geegesatz zum Elifant vo de Republikaner nie offiziell as Wabbedier aagnoo worde. Si Ursprung goot uf e amerikanisch Karikaturist Thomas Nast zrugg, grad so wie dr Elifant vo de Republikaner. D Parteifarb vo de Demokrate, wo au inoffiziell isch, isch blau.

Wie amerikanischi Bardeie im Allgemäine, isch die Demokratischi Bardei wääsentlig andersch organisiert as vergliichbari dütschi Bardeie. So wärde d Bezirksvorständ, je noch em Bundesstaat, zum Däil vo dr allgemäine Waalbevölkerig in Vorwaale und nit öbbe vo de Bardeimitgliider elläi gweelt. S wichdigste Organ für d Gsamtbardei isch s Democratic National Committee, wo au die Democratic National Convention veraastaltet. Die Vorsitzendi vom DNC isch zur Zit d Debbie Wasserman Schultz.

Mit em Barack Obama hät d Partei vo 2009–2017 dr (44.) Bresidänt vo de Veräinigte Staate gstellt. Bi de Kongrässwaale im Novämber 2010 häi d Demokrate iiri Meerhäit im Representantehuus verloore. Au im Senat si si sit dr Halbzitwaal vo 2014 nüme in dr Meerhäit.

Weblingg

 Commons: Demokratische Partei – Sammlig vo Multimediadateie

• The Democratic Party (änglisch)
• Democrats Abroad (änglisch)
• Wie dr Esel s inoffizielle Parteisümbool vo de Demokrate worde isch (änglisch)

Dä Artikel basiert uff ere fräie Übersetzig vum Artikel „Demokratische_Partei_(Vereinigte_Staaten)“ vu de dütsche Wikipedia. E Liste vu de Autore un Versione isch do z finde.