Florence Brenzikofer
D Florence Brenzikofer (* 15. April 1975 z Binnige; haimatberächtigt z Fränkedef) isch e Schwyzer Bolitikeri (GPS).
Lääbe[ändere | Quälltäxt bearbeite]
D Florence Brenzikofer isch z Sältischbrg, z Lupsige un z Lieschtel im Kanton Basel-Landschaft un z Nantes z Frankrych, em Haimetland vu ire Mueter, ufgwagse. Si het e Uusbildig zur Sekundarlehreri an dr philosophisch-historische Fakultet vu dr Universitet Bärn absolviert. Mit ire Familie het si zwaiehalb Johr in dr bolivianische Ande gläbt, wu si in dr Lehrerfurtbildig gschafft het. D Florence Brenzikofer schafft as Sekundarlehreri an dr Sekundarschuel Burg z Lieschtel. Si isch ghyroote, het drei Chinder un läbt z Oltige.[1]
Bolitik[ändere | Quälltäxt bearbeite]
D Florence Brenzikofer isch vu 2003 bis 2005 Mitgliid vum Landrot vum Kanton Basel-Landschaft gsii.[2] No ire Rugchehr vu Bolivie het si 2013 fir di zrugdrätte Sarah Martin in Landrot chenne noorugge.[3] Si isch drei Johr lang Vizebresidänti vu dr Gschäftsbriefigskummission un derno vier Johr Mitglid vu dr Bildigs-, Kultur- un Sportkummission gsii. Syter anne 2019 isch si Mitglid vu dr Finanzkummission, wu si au bresidiert.[1]
No dr Wahl vu dr Maya Graf in Ständerot im Novämber 2019 isch d Florence Brenzikofer in Nationalrot noogruggt.[4]
D Florence Brenzikofer isch Vizebresidänti vu dr Griene Schwyz un Vorstandsmitglid vu dr Griene Basel-Landschaft. Vu 2012 bis 2017 isch si Bresidänti vu dr Griene Basel-Landschaft gsii. Derzue isch si Vorstandsmitglid vum Baselbieter Heimatschutz, vum Theaterfestival Basel un vum Verain Nie Wieder Atomkraftwerke NWA. Si isch au Delegierti vum Lehrerinnen- und Lehrervereins Baselland LVB.[1]
Weblink[ändere | Quälltäxt bearbeite]
- Florence Brenzikofer uf dr Websyte vo dr Bundesversammlig
- Websyte vu dr Florence Brenzikofer
- d Florence Brenzikofer uf dr Websyte vum Landrot Basel-Landschaft
- Interässebindige vu dr Florence Brenzikofer uf lobbywatch.ch
Fueßnote[ändere | Quälltäxt bearbeite]
- ↑ 1,0 1,1 1,2 Florence Brenzikofer: Person
- ↑ Landratsmitglieder: Details Florence Brenzikofer, Kanton Basel-Landschaft
- ↑ Wechsel im Landrat: Die Grüne Sarah Martin tritt zurück, bzbasel.ch, 30. Mai 2013
- ↑ Grüne Maya Graf ist neue Baselbieter Ständerätin, St. Galler Tagblatt, 24. Novämber 2019
|
Dä Artikel basiert uff ere fräie Übersetzig vu dere Version vum Artikel „Florence_Brenzikofer“ vu de dütsche Wikipedia. E Liste vu de Autore un Versione isch do z finde. |