Zum Inhalt springen

Flavia Wasserfallen

Us der alemannische Wikipedia, der freie Dialäkt-Enzyklopedy
D'Flavia Wasserfalle im 2019

D’Flavia Wasserfalle (* 7. Februar 1979 z Bärn) isch e Schwizer Politikerin vo de Sozialdemokratische Partei (SP) und es Mitgliid vom Nationalroot.

Früe Wärdegang und Uusbildig[ändere | Quälltäxt bearbeite]

D’Flavia Wasserfalle isch in Hinterkappele ufgwaggse und het s’Gymnasium erfolgriich im 1998 abgschlosse. Im 1999 isch si denn Snowboardlehrerin worde. Im 2000 het d’Flavia Wasserfalle an dr Universität in Bärn Politischi Wüsseschaffte z'studiere aagfange. Während ihrem Studium het si au es Uustuschsemeschterr an der Universität vo Bologna bsuecht het im 2007 miteme Master abgeschlosse.[1]

Brueflichi Laufbahn[ändere | Quälltäxt bearbeite]

Zwüsche 1999 und 2008 isch d’Flavia Wasserfalle Snowboardlehrerin in Zinal im Wallis gsi. Zwüsche 2006 und 2012 het Flavia Wasserfalle denn im Bundesamt für Energii gschafft.[1] Im 2010 het si e lokale Verteilservice vo regionalem Gmües, s’Bioabi mit andere is Läbe gruefe.[2][3]

Politischi Laufbahn[ändere | Quälltäxt bearbeite]

Zwüsche 2012 und 2018 isch si es Mitgliid vom Grosse Root vo Bärn gsi.[4] Im 2018 isch si den für Evi Alleman, wo als Regierigsröti vo Bärn gwählt worde isch, in dr Nationalroot noochegruckt.[5] Im November 2022, nachdäm d’Bundesröötin Simonetta Sommaruga aakündigt het dass si wot zruggträte, isch si kurz als e mööglichi Kandidatin in betracht zoge worde, aber das het si abglehnt will si im 2023 gärn wot für de Ständeroot wot kandidiere.[6] Im Oktober 2023, isch d'Flavia Wasserfalle denn zämme mit em Werner Salzmann vo dr Schiizerische Volkspartei (SVP) für de Kanton Bärn in dr Ständeroot gwählt worde.[7]

Politischi Standpünkt[ändere | Quälltäxt bearbeite]

D’Flavia Wasserfalle setzt sich für e zahlbari Gsundheitsversorgig ii[8] und sit em 2021, isch si d’Presidäntin vom Dachverband vo de Schwiizer Patientestelle.[9] Im Septämber 2020 het d’Flavia Wasserfalle zämme mit anderne Parlamentarierinne dr FC Helvetia gründet.[10] Im Novämber 2022 het d’Flavia Wasserfalle us Solidarität mit de Fraue, wo im Iran protestiert häi, ihri Hoor gschnitte.[11]

Persönlichs[ändere | Quälltäxt bearbeite]

D’Flavia Wasserfalle isch g’hürote, het drei Kinder[8] und het ihre Heimatort in Langnau im Emmental und Ferenbalm.[12]

Weblink[ändere | Quälltäxt bearbeite]

 Commons: Flavia Wasserfallen – Sammlig vo Multimediadateie

Kwelle[ändere | Quälltäxt bearbeite]

  1. 1,0 1,1 Flavia Wasserfallen (de)
  2. Flavia Wasserfallen: "Was für ein Klischee!" (de)
  3. Bioabi (de-DE)
  4. https://spbe.ch/person/flavia-wasserfallen-nr/
  5. https://www.sp-ps.ch/artikel/neue-fraktionsmitglieder-im-nationalrat/
  6. Sommaruga-Nachfolge im Bundesrat – Flavia Wasserfallen verzichtet auf Kandidatur (de)
  7. Salzmann (SVP) und Wasserfallen (SP) sind still gewählt SRF
  8. 8,0 8,1 Flavia Wasserfallen neu im Nationalrat (de-DE)
  9. Flavia Wasserfallen ist neue Präsidentin des Dachverbandes schweizerischer Patientenstellen.
  10. Gründung FC Helvetia: Nun kicken auch die Frauen im Parlament (de)
  11. Iran-Demo in Bern: Flavia Wasserfallen schneidet sich Haare ab (de)
  12. Kurzbiografien und Porträts.
Dä Artikel basiert uff ere fräie Übersetzig vu dere Version vum Artikel „Flavia_Wasserfallen“ vu de änglische Wikipedia. E Liste vu de Autore un Versione isch do z finde.