Finnischi Sauna

Us der alemannische Wikipedia, der freie Dialäkt-Enzyklopedy
E holzgheizti finnischi Sauna z Korpilahti
Finnischi "Vasta" oder "Vihta" - zsämmebundeni Birkezwiig wo as "Peitsche" für d Huutmassage bruucht wärde

Die Finnischi Sauna isch ä wichtige Deil vo dr finnische Kultur. Es git z Finnland fümf Millione Iiwohner und über zwei Millione Saune, im Schnitt eini pro Huushalt. Für d Finne isch d Sauna ä Platz, wo me sich mit Fründ und Familie cha erhole und sich physisch und mental cha entspanne. D Finne meine, ass d Sauna kei Luxus, sondern ä Notwändikeit siig. Die meiste Finne hän deheim ä privati Sauna oder e gmeinsami, wenn si in eme Wohnblock wohne. In Schwimmbeder, Wohnheim und Fitness-Studios git s öffentlichi Saune. In de öffenliche Saune si d Gschlächter immer drennt.

Vorgehenswiis[ändere | Quälltäxt bearbeite]

Nochdäm me sich uszoge het, duscht me sich ohni Seifi und goht denn in d Sauna. Dört het s Temperature zwüsche 80° C und über 100°C und d Füechtigkeit isch hoch. Es het Stuefe (uf Finnisch lauteet) im Ruum und hoch obe isch es heisser as witer unte, so cha me sich ussueche, was me ushaltet. Ma sot aber obe afo, und denn abestiige. Me duet sich entspanne, d Hitz macht d Pore uff und me foot stark afo schwitze.

Im en Egge het s en Ofe (fin. kiuas), wo Schtei druf heiss gmacht wärde. Wenn me Wasser uf se schüttet (fin. löyly schütte), füllt sech dr ganz Ruum mit Dampf. Das macht Sauna subjektiv wermer. Wasser bruucht me noch Beliebe. Nôch zäh bis drissig Minute goht me use un chüehlt sich unter ere chalte Duschi ab. Das widerholt me mindeschtens zweimol oder meh nach Beliebe. Zum Schluss duscht me sich mit Seifi und Schampoo.

Vili Finne hän ä Summerhuus mit ere Sauna an eim vo dä duusige vo Seeä, wo s z Finnland git. So chönne si währed oder noch dr Sauna im See go schwümme. Im Winter chüehle si sech au im Schnee ab oder, und das isch sältener, bohre ä Loch ins Iis und näme e Bad im iischalte Seewasser. Für zum d Muskle z entspanne nimmt me au ä Bündel vo Birkezwiig, taucht s in warms Wasser und duet sich drmit schlo.

Anderi Saunaarte[ändere | Quälltäxt bearbeite]

Ekschterni Syte[ändere | Quälltäxt bearbeite]

Dä Artikel basiert uff ere fräie Übersetzig vu dere Version vum Artikel „Finnish_sauna“ vu de änglische Wikipedia. E Liste vu de Autore un Versione isch do z finde.