Fäldbärgpass

Fäldbärgpass
Bligg vom Fäldbärg is Faaler Loch abbè. Rächts cha mò d Passschtrõß sää. Bligg vom Fäldbärg is Faaler Loch abbè. Rächts cha mò d Passschtrõß sää.
Himmelsrichtig	Weschtè	Oschtè
Passhöchi	1.231,3 m ü. NHN
Bundesland	Baddè-Württèbärg
Daalort	Todtnau	Titisee-Neuschtadt
Usbau	B 317
Gebirg	Hochschwarzwald
Bsundrigs	Zweithögschstè Strõßèpass vo Dütschland
Profil
Bärgwärtig	1
Max. Stiigig	10 %	10 %
Karte (Baden-Württemberg)
Feldbergpass (Baden-Württemberg) Feldbergpass
Koordinate	47° 51′ 30″ N, 8° 3′ 10″ O47.8583333333338.05277777777781231.3

f

k

x

x

x

Dè Fäldbärgpass isch mit 1.231,3 m ü. NHN dè zweithögschste Bergpass vo Dütschland. Er lyt im Hochschwarzwald (Baddè-Württèbärg, Dütschland) zwǜschè m Fäldbärg (1.493 m ü. NHN) im Nordè un dè Grõfèmatt (1.377 m ü. NHN) im Südè. D Passhöchi am Zeiger un d Oschtrampè ligèd uff èm Gebièt vo dè Gmeind Fäldbärg.

Gschichtè

Diè èrschtè Diskussionè übber dè Bau von èrè Strõß übber dè Feldbärg hèn um 1840 im Wiisèdal stattgfundè. Nit nu d Gmeindè, sondern au diè Induschtrybedryb im Dal hèn è Vobindig i d Baar haa wellè, well si iri Rohschtoff uss dè Baar un èm obberè Deil vom Schwõbeland (Bürschtèinduschtry) sowiè uss Öschterrych (Zunderinduschtry) bezogè hèn un dört neui Absatzmärkt hèn wellè erschlièßè. Bis dörthy hèn d Rohschtoffliferungè dè Wäg übber dè Pass Hochi Wacht bi Bèrnau) un s Bräägbachdal nää müèsè. Kurz vor dè Revolution vo 1848/49 isch èn Saumwäg Todtnau–Zeiger–Bärèdal–Altglashüttè aaglait un mit Wäg gu Lènzkirch un St. Bläsy vobundè worrè. 1847 hèt dè Staat s Strõßèbrojèkt einersits als wichtig aagluèget, abber s isch um s Gèld gschtrittè worrè, wo vo dè Aaligergmeindè un èm Huus Fürschtèbärg hèt söllè chò. 1866 isch èn staatlichè Zuèschuss vo 20.000 Guldè gwäört worrè, un 1868 hèn sich Bärèdal un d Fürschtèbärger uff èn Uusbau vom Wäg bis zu dè Gränz nõch Menzèschwand geinigt. Nõchdèmm 1874 d Vorarbètè in Gang cho sin, hèt d Strõß 1885 uffgmacht wörrè chönnè. D Strõß isch im Winter nit grummt, abber vo Schneeschuèwanderer, Schlittschuèläufer un Fuèßgänger bruucht worrè.

Erinnerungsdaflè a dè Bau vum Diènschtgehöft i dè Johr 1938/39 mit Rychsadler

1908 isch è Vobreiterung vo dè Strõß blaant worrè, nu hèt s widder mòl am Chlutter vo Sitè vo dè Gmeind gfäält. Nõchdèmm 1912 d Gemeind Bärèdal zuè nèm Bydraag vopflichtet worrè isch, hèt dè Büèz 1913 aagfangè, wo zuè nèrè Vobreiterung vo 33 % gfüürt hèt, sowiè zuè nèrè Voringerung vo dè Stygig vo durchschnittlich 10,3 uff 7,85 %. Am 1. April 1926 isch d Ernènnig zuè nèrè Chreisschtroß chò, denn isch si am 1. April 1935 zuè nèrè Rychs- bzw. B 317 worrè. 1927 isch d Vobindig durch dè Seewald befaarbar gmacht worrè, 1932/34 hèt s diè èrscht Asphaltdeggi gää un 1938/39 sin im Gebièt um dè Zeiger großi Parkblätz un è Diènschtghöft vo dè Strõßèwärtler entschtandè.

Vokeer

Diè stark befaareni Passschtrõß isch è Deilschtugg vo dè B 317 un vobindet Todtnau im Wiisèdal mit Titisee im Hochschwarzwald. Diè südweschtlichi Ufffaart isch durch Serpentinè kennzeichnèt, well si im Faaler Loch uff öppè sibbè Kilometer è Höhèdifferènz vo 483 m übberwindet, diè nordöschtlichi Rampè isch wènniger kurvèrych un folgt dè rächtè Dalflankè vom Seebach. Beidi Rampè wysèd è Stygungsmaxima vo bis zu 10 % uff. Bi Schnee gildèt für Lkw uff dè Passschtrõß Schneekettèpflicht. Im Passberych zwygèd zwei witeri Bärgschtrõßè ab, nördlich zum Fäldbärggipfel un südlich zum Bundesleischtungszèntrum vom DSV am Herzogèhorn (1.415 m ü. NN). Im Winter 2005/2006 isch d Strõß nõch starkè Schneefäll für Lawinèschprèngungè gschpèrrt worrè.

Frèmdèvokeer

Im Summer wörd dè Fäldbärgpass hüüfig als Uusgangspungt für Wanderungè im Naturschutzgebièt Fäldbärg bruucht. Dõfür stôn zaalrychi Parkflächè zur Vofüègung. Im Raamè vo dè touristischè Erschlièßig sin zaalrychi Unterkümpft, Gaschtschtättè un Aaschtygshilfè, bsunders für dè Winterschport entschtandè.

Beidersits vom Pass befindet sich sit einigè Johrzeent s Winterschportgebièt Fäldbärg. S umfasst 14 Liftaalaagè un 16 Abfaartè vo dè eifachè Famillièabfaart bis hy zu dè aaschpruchsvollè FIS-Wältcup-Streggi. Langläufer hän vom Fäldbärgpass uus Zuègang zu dè Loipè am Härzogèhorn (ca. 20 km), am Chöpfle (3 km), am Üülemer Chrütz un zu dè Stübbèwasèschpur. Übber dè Fäldbärgpass füürt au dè 32 Kilometer lange Fèrnwanderwäg Hinterzartè-Schluchsee.

Durch dè Tourismus wörd è hochs Vokeersuffchò im Berych vom Fäldbärgpass broduzyrt, wa bsunders im Winter zu großè Brobleem füürt, wo durch dè winterliche Strõßèzuèschtand oft nò voschtärkt wörred. Zur Zit wörd è Parkhuus am Pass blaant, dõdemit sölled d Parkflächè a dè Strõß nõch entlaschted wörrè.

Dè Fäldbärgpass isch zweimal mit Bergaakümpft Beschtanddeil vo dè Dütschland Tour gsi. I dè Bärgwärtung zellt d Südweschtrampè im Faaler Loch zu dè Èrschtè Kategory. 2003 hèt dè Portugys José Azevedo, 2005 dè Auschtralier Cadel Evans selli Wärtung gwunnè.

Weblinggs

• Informationè zum Fèldbärgpass mit Höhèbrofyl
• Höhèbrofyl vo Todtnau uus
• Heliflug vom Baanhof Seebrugg bis übber dè Fèldbärg drübber, dè Pass un s Faaler Loch ab ca. 5:45

Einzelnõchwys

Dä Artikel basiert uff ere fräie Übersetzig vu dere Version vum Artikel „Feldbergpass“ vu de dütsche Wikipedia. E Liste vu de Autore un Versione isch do z finde.