Fasnachtschüechli

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Fasnachtschüechli

Fasnachtschüechli oder Fasnachtskiechli sind es Schwiizer Fettgebäck. Si sind vor allem i de Fasnachtszyt im Beckeriisortimänt und i Läbesmittelläde verbreitet. Im Kanton Bärn kännt me si underem Name Chneublätz oder Chilbiblätz als Chilbispezialität, i de Ostschwiiz als Öhrli. Wie Fastewäie, Mählsuppe, Kääs- und Zwibelewäie wärdid d Fasnachtskiechli gärn a de Basler Fasnacht ggässe. Uf Französich säit me Merveilles, uf Italiänisch Frittelle di carnevale.

Fasnachtschüechli sind öppis anders als di südwestdüütsche Fasnetküchle.

Härstellig[ändere | Quälltäxt bearbeite]

Us Eier, Nidle und Mähl wird en Teig gmacht. Es pfluumegrosses Stuck wird denn dünn und chreisrund usgwallt und uf em Chnüü uszoge. De Teigling wird i heisses Fett gleit. Dur das chund er e wälleförmigi Form über. Nach eimal Chehre wird er chnusprig durebache usegnuu. No warm wird s Chüechli mit Puderzucker bestäubt.

Weblink[ändere | Quälltäxt bearbeite]

 Commons: Fasnachtschüechli – Sammlig vo Multimediadateie