Fasnetküchle

schniide

bache

esse

Fasnetküchle sin dünni Deigschdückli, wo in Fett bache werre. Mer isst si meischtens an de Fasnet und vo do chunnt ihre Name. Andere Sache, wo zue de Fasnet bache werre, sinn Strieble un Scherbe.

Dr Deig vo de Fasnetküchle wird ohni Hefi gmacht und bschdoht us Mähl, flüssigem Anke, Eier und Milch und wird mit ä chli Salz gwürzt.

Bim Frittiere wärde d Deigschdückli churz bacht, wi si im heisse Öl odr Fett schwümme. D Tämprature si mit 140 bis 190 °C sehr vil höcher as bim Choche mit Wasser, und s bildet sich ä herti, drocheni Chruschde. Au dr Gschmack wird veränderet vo de aromatische Röschdschdoff, wo entschdöhn.

Rezäpt

400 g Mähl in ä Schüssle due, ä Kaffilöffel Salz, 50 g flüssige Anke, drei Eier und drei Löffel Milch odr anderthalb Deziliter Rahm drzue ge und guet zum ä Deig vermische. Dr Deig wird knätet und gschlage, bis ass er elaschdisch wird. Denn loot men en wenigschdens zwanzig Minute lo schdoh. Mit emä Mässer verschniidet men en in öbbe zwei Dotzed Schdück, wo mä babierdünn duet uszieh. Bachfett wird in erä diefe Iisepfanne heiss gmacht und d Küchle drin bacht, bis ass si hellgäl si. Mä nimmt sä usem Fett und leit sä uf ä Drohtgitter zum Abdropfe. Denn beschdreut mä sä mit Puderzucker.

Hischtorischs

D Fasnetküèchle hèt s am Ènd vo dè Fasnetzit gää, welli bi dè alemannischè Fasnet vom Dreikönnigsdag (6. Januar) bis zum Fasnet-Zyschtig vor èm Aschermittwoch gòt. S Ènd hèt mò aagfangè z fièrè mit dè letschtè drei Dunschtig vor èm Fasnèt-Zyschtig, wo mò als Faißè (dè Fättige) bezeichnèt. Sèllè Uusdrugg wörd hüt nò am Hochrhy un èm weschtlichè Südschwarzwald bruucht, un zwar heißed dört sèlli Dunschtig dè èrschtè, zweitè un drittè Faißè. Dè dritte Faißè hèt èn speziellè Nammè übbercho, sellem sait mò hüt no dè Schmotzige odder Schmutzige Dunschtig. Sell chunnt vo schmotzig, also „im Fètt Bachènes“. odder schmutzig. Dè Schmotzigè Dunschtig isch also dè letschtè Dunschtig i dè Fasnetzit, wo s Fasnetküèchle odder Schmotzigs/Schmutzigs git.

Lueg au

• Fasnachtschüechli

Weblingg

 Commons: Fasnetsküchle – Sammlig vo Multimediadateie