Eva Weber (Bolitikeri)

Us der alemannische Wikipedia, der freie Dialäkt-Enzyklopedy
d Eva Weber (2020)

D Eva Weber (* 31. Mai 1977 z Wanga as Eva Zeller) isch e dytschi Bolitikeri (CSU). Syt em 1. Mai 2020 isch si di erscht Oberburgermaischteri in dr Gschicht vu Augschburg.

Lääbe[ändere | Quälltäxt bearbeite]

D Weber isch e Dochter vum CSU-Bolitiker un ehmolige Staatssekretär Alfons Zeller. Ufgwagse isch si z Burgberg im Allgai. Anne 1996 het si ire Abitur am Gimnasium Sunthofe gmacht. No dr schguel het si vu 1996 bis 2002 Rächtswisseschafte z Augschburg un z Bayreuth studiert. No het si ne zwaijehrig Referändariat z Nürnberg gmacht. Erschti beruefligi Stazione sin dr Sparkasseverband Bayern un vu 2005 bis 2009 d Induschtry- un Handelschammere Schwoobe gsii.

Im April 2009 isch d Eva Weber ins Wirtschaftsreferat vu dr Stadt Augschburg as Wirtschaftskoordinatori un Referatsjurischti gwägslet. Wu dr domolig Wirtschaftsreferänt im Augschte 2010 chrank woren isch, isch si Laiteri vum Wirtschaftsreferat wore.[1] Im Juli 2011 isch si schließli zue sällem syre Noofolgeri as beruefsmäßigi Stadtreeti un Wirtschaftsreferänti wore.[2]

D Weber isch ghyroote un läbt in dr Augschburger Innestadt.

Bolitik[ändere | Quälltäxt bearbeite]

Bi dr Kommunalwahle am 16. Merz 2014 isch d Eva Weber zum erschte Mol uf dr Lischt vu dr CSU uf Lischteblatz 4 aadrätte. Mit 41.710 Stimme het si s zwaitbescht Ergebnis uf dr CSU-Lischt un s drittbescht Ergebnis vu allne 588 Kandidate*ne (hinter em Oberburgermaischter im Amt Kurt Gribl/65.840 un em SPD-Spitzekandidat Stefan Kiefer/44.656) kriegt.[3]

In dr Stadtrotsperiod ab Mai 2014 het d Weber dr Doppelposchte as Wirtschafts- un Finanzreferänti ghaa. Die boode Ufgabe sin vorhär in zwai drännte Referat gfiert wore. Derzue isch si in dr konschtituierende Sitzig am 2. Mai 2014 zur 2. Burgermaischteri vu dr Stadt Augschburg un dodermit Stellverdrätteri vum Oberburgermaischter Kurt Gribl gwehlt woro. Doderby het si si mit 41 zue 17 Stimme gege ire Vorgänger Hermann Weber (CSM/nit verwandt) duregsetzt.[4]

Am 27. Mai 2019 isch d Weber vu dr Augschburger CSU as Oberburgermaischterkandidati fir d Kommunalwahle am 15. Merz 2020 nominiert wore.[5] Mit 43,1 zue 18,1 Brozänt het si s mit dytligem Vorsprung in d Stichwahl gschafft.[6][7] Die het si am 29. erz 2020 mit 62,3 Brozänt gege ire Rusforderer vu dr SPD, dr Dirk Wurm (37,7 Brozänt) gwunne.[8] Dodermit isch d Eva Weber syt em 1. Mai 2020 neii Oberburgermaischteri vu Augschburg.

Am 15. Juli 2020 isch d Weber zum Vorstandsmitglid vum Bairische Stedtedag gwehlt wore.[9] Am 13. Februar 2022 isch si Mitglid vu dr 17. Bundesversammlig gsii.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Bubmann: Rätsel um erkrankten Referenten. Augsburger Allgemeine. 13. Juli 2010. Abgrüeft am 13. März 2017.
  2. Der Abschied von Böhm Bubmann ist perfekt. Augsburger Allgemeine. 11. März 2011. Abgrüeft am 13. März 2017.
  3. Ergebnis Stadtratswahl 2014 (Rangfolge). Stadt Augsburg. 14. März 2014. Abgrüeft am 13. März 2017.
  4. Die Referenten sind gewählt. Stadt Augsburg. 2. Mai 2014. Abgrüeft am 13. März 2017.
  5. Diese Themen will Eva Weber als Oberbürgermeisterin angehen. Augsburger Allgemeine. 27. Mai 2019. Abgrüeft am 13. Juni 2019.
  6. Liveticker Kommunalwahl 2020: Eva Weber geht mit deutlichem Vorsprung in Stichwahl. In: StadtZeitung. 15. März 2020, abgruefen am 16. März 2020.
  7. Florian Fuchs: Augsburg: Eva Weber wird erste Oberbürgermeisterin. Abgruefen am 25. Oktober 2020.
  8. Stichwahl zur Oberbürgermeisterwahl 2020. Stadt Augsburg. 29. März 2020. Abgrüeft am 29. März 2020.
  9. OB Eva Weber wird Vorstandsmitglied des Bayerischen Städtetags. Stadt Augsburg. 15. Juli 2020. Abgrüeft am 22. Juli 2020.


Dä Artikel basiert uff ere fräie Übersetzig vu dere Version vum Artikel „Eva_Weber_(Politikerin)“ vu de dütsche Wikipedia. E Liste vu de Autore un Versione isch do z finde.