Ernest Schüle

Dr Ernest Schüle (* 5. Novämber 1912 z Herisau; † 23. Novämber 1989 z Montana) isch e Schwiizer Romanischt, Dialäktoloog, Lexikograf und Ethnoloog gsi.

s Lääbe

Dr Schüle isch dr Soon vom Dokter Ernst Schüle und vo dr Helen geb. Schiess gsi. Er het z Züri bim Jakob Jud studiert.

1940 het en dr Louis Gauchat als Redakter as Glossaire des patois de la Suisse romande gholt. 1949 isch er däm syn Scheffredakter woorde. Dr Arbetsplatz vo dr Redakzioon vo däm Wälschschwiizer Wörterbuech isch am Afang z Züri, sit 1955 z Lausanne und ab 1972 z Nöieburg gsi. 1953 het dr Schüle d Romanischtin und Volkskundlerin Rose-Claire Balderer (1921–2015) ghürootet, wo e Zyt lang d Läiterin vo de Walliser Kantonsmuseeè gsi isch.

Anne 1974 isch a dr Uni Nöieburg s Centre de dialectologie et d’étude du français régional ggründet woorde un dr Schüle isch däm syn erscht Diräkter gsi. 1967 bis 1983 het er als Profässer romanischi Dialäktology a dr Uni Nöieburg glehrt.

Literatur

• François Zufferey / ALI: Schüle, Ernest. In: Historisches Lexikon vo dr Schwiiz.
• Dialectologie, histoire et folklore. Mélanges offerts à Ernest Schüle pour son 70e anniversaire. Bern 1983.
• Zygmunt Marzys: Ernest Schüle. In: Vox Romanica 48, 1989, S. 388–394.
• Georges Straka: Souvenir d’Ernest Schüle. In: Nouvelles du Centre d’Etudes Francoprovençales René Willien 28, 1993, S. 5–9.
• Maurice Zermatten: Mort d’Ernest Schüle. Une œuvre immense mais méconnue. In: Nouvelles du Centre d’Etudes Francoprovençales René Willien 20, 1989, S. 5–7.