Emma Eigenmann

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Emma Eigenmann (* 30. Oktober 1930 z Nendla as Emma Schädler)[1] isch e liechteschtainischi Bolitikeri (FBP). Anne 1986 isch si as eerschti Frau in liechteschtainisch Landdaag gweelt woore.

Lääbe[ändere | Quälltäxt bearbeite]

D Emma Eigenmann isch aini vu vier Deechtere vum Unternämer un speetere Landdaagsabgoordnete Eugen Schädler un däm syre Frau Elwina Katharina geb. Hoop. Dr liechteschtainisch Bolitiker Josef Hoop isch en Unkel zuen ere vu dr Muetersyte här.[1] D Bolitikeri Susanne Eberle-Strub isch iri Nichte.[2]

Si isch vu 1943 bis 1946 im Institut St. Elisabeth z Schaa uf d Schuel gange un vu 1946 bis 1947 im Institut Salve Regina z Bourguillon. No dr Schuel het su vu 1947 bis 1950 Keramikmooleri gleert un isch 1950/51 uf Keramikfachschuel z Höhr-Grenzhausen z Dytschland gange. Derno het si im Familiebedriib Schaedler Keramik AG gschafft un d Fima vu 1973 bis 1995 au glaitet.

Am 4. Augschte 1953 het si dr August Eigenmann (1922–1967) ghyroote, si hän zäne zwai Chinder.

D Emma Eigenmann isch vu 1979 bis 1995 as eerschti Frau Mitgliid im Vorstand vu dr LIHK gsii.

Zwai Joor no dr Yyfierig vum Frauestimmräächt uf Landeseebeni sich d Eigenmann am 2. Februar 1986 in Landdaag vum Fiirschteduum Liechteschtai gweelt woore. Si isch di ainig Frau unter dr 15 Abgoordnete. Bi dr vorzoogene Landdaagswaale 1989 isch si widergweelt woore.[3] Au in däm Landdaag isch si di ainzig Frau gsii, drotz ass dr Landdaag jetz 25 Abgoordneti umfasst het. Bi dr Landdaagswaale im Februar 1993 het si uf e nomoligi Kandidatur verziichtet un isch dodermit us em Landdaag uusgschiide.[3]

Si isch mit em Ritterchryz vum Fiirschtlige Liechteschtainische Verdienschtoorde uuszaichnet woore.

Literatur[ändere | Quälltäxt bearbeite]

  • Johannes Kaiser: 70 Jahre FBP. Arbeit für Liechtenstein. Hrsg. von Fortschrittliche Bürgerpartei, Schaan 1988, S. 92.
  • Paul Vogt: 125 Jahre Landtag. Hrsg. vom Landtag des Fürstentums Liechtenstein, Vaduz 21988.
  • Redaktion HLFL: Eigenmann-Schädler, Emma. In: Historischs Lexikon vom Förschtatum Liachtastaa.
  • Happy Birthday Emma Eigenmann. Liechtensteiner Volksblatt, 30. Oktober 2010

Fueßnote[ändere | Quälltäxt bearbeite]

  1. 1,0 1,1 Yydraag zum Eugen Schädler uf www.e-archiv.li
  2. Interview mit dr Susanne Eberle-Strub in Liechtenstein aktuell vom 13. Dezämber 2016
  3. 3,0 3,1 Arno Waschkuhn: Politisches System Liechtensteins: Kontinuität und Wandel (1994)