Emilie Locher-Werling

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Emilie Locher-Werling (* 13. März 1870 z Riesbach (Züri); † 5. Augschte 1963 z São Paulo) isch e Schwiizer Mundartschriftstelleri gsi.

D Emilie Locher-Werling isch am 13. Merze 1870 i dr dozmol no sälbständige Gmaind Riesbach bi Züri uf d Wält cho. Si isch d Dochter vom Wilhelm Werling gsi. Ane 1892 hät si de Fritz Locher ghüraatet.

Si hät de Pruef von ere Schniideri gleert gha. Dank ere Begabig für d Spraach hät si agfanga schrybe und tichte. So isch si d Redaktoori vo dr Zytschrift ”Der Helfer“ worde, wo z Züri vo 1933 a usecho isch. Afangs vom 20. Jaarhundert hät si uf Züritüütsch Theaterstuck gschribe, und derno hät si au anderi Wärch, vor alem Chinderbüecher gmacht. Es git vo ire au Büechli mit Gedicht. Es par Gedicht vo dr Zürcher Autoorin sind mit Noote, wo dr Edwin Kunz dezue gsetzt het, im Schwiizer Singbuech abtrukt worde.

Ane 1941 isch d Emilie Locher-Werling uf Südamerika uusgwanderet; si isch uf Brasilie ggange, wo ire Soon gläbt het.

Wärch[ändere | Quälltäxt bearbeite]

  • Wie’s ä cha gah!, Theaterstuck, 1905
  • Es Sächsilüüte, Theaterstuck, 1908
  • E verdächtigi G’schicht, Theaterstuck, 1911
  • Was s’Lisi Meier vo Schöfflisdorf vom Kaiserb’suech b’richtet, 1912
  • De Landvogt vo Gryfesee, Theaterstuck, 1914
  • Für enseri Chind. Allerlei zum Spille und zum Ufsäge
  • Oeppis vom Osterhas, Bilderbuech
  • S Sunneschynli und s Dummerli, Chinderbuech, 1925
  • I dr Morgesunne. Erinnerige us dr Chindezyt, 1927
  • Gschichte für chlyni Tierfründ, Chinderbuech, 1933
  • ’S Oepfelblüestli «Gugg-i-d’ Wält», 1930
  • De Hansli wott go wandere, Mit Bilder vo de Franziska Schenke, 1927
  • Tierlischau, Chinderbuech, 1958
  • Wänn d’Blüemli verwached, Bilderbuech, mit Bilder vo de Sibylle von Olfers, 1933
  • Wise-Blueme. Züritüütschi Gedicht, Gedichtsamlig, 1913
  • Im Abigrot. Züritüütschi Gedicht, Gedichtsamlig, 1929
  • Neui Gschichte für chlyni Tierfründ, 1960

Literatur[ändere | Quälltäxt bearbeite]

  • Doris Stump (u. a.): Deutschsprachige Schriftstellerinnen in der Schweiz, 1700–1945. 1994, S. 135.
  • Karin Marti-Weissenbach: Locher-Werling, Emilie. In: Historisches Lexikon vo dr Schwiiz.
  • Ernst Bleuler: Emilie Locher-Werling zum 80. Geburtstag. In: Schweizerische Lehrerinnenzeitung, 54, 1949–1950, Heft 13.