Ellen Ringier
D Ellen Renée Ringier-Lüthy[1] (* 7. Dezämber 1951 z Lozärn) isch e Schwyzer Mäzeni. D Ringier isch Bresidänti vu dr Stiftig „Elteresyy“ (dt. Elternsein) un git s Eltere-Magazin Fritz + Fränzi uuse.[2][3]
Lääbe un Karriere
[ändere | Quälltäxt bearbeite]D Ellen Ringier isch mit zwoo Schweschtere z Lozärn ufgwagse.[4] Iri Mueter stammt us ere Bankiersfamilie vu London, ire Vater isch Belzgroßhändler vu Lozärn gsii.[2] Si het Rächtswisseschaft studiert un anne 1980 bim Manfred Rehbinder an dr Universitet Züri mit dr Promotion abgschlosse.[5] D Ringier het as Auditori am Bezirksgricht gschafft.[4] Anne 1976 het si dr Verleger Michael Ringier ghyrote. Si hän zäme zwoo Dechtere.
In dr Zytschrift Bilanz, «Die 300 Reichsten», vum Dezämber 2020, uusegee vu Ringier Axel Springer isch unter em Titel Familie Ringier e Vermege vu 900 bis 1000 Millione Schwyzer Franke aagee.
D Ringier engaschiert si in dr Beraich Kultur, Antirassismus, Fraue un Pfadfinder. Si schafft in dr Stiftig Humanitas un het 13 Johr lang as Stiftigsrotsbresidänti vum Museum Huus Konschtruktiv z Züri gamtet.[6] Anne 2001 het si d Stiftig Elteresyy grindet,[7] wu s Eltere-Magazin Fritz + Fränzi uusegit. Die Zytschrift soll no dr Aagobe vu dr Ringier bi Eltere un au bi dr Bevelkerig e Bewusstsyy schaffe fir Erzieigsufgobe.[3] Derzue isch si Co-Broduzänti vum Dokumäntarfilm #Female Pleasure vu dr Reschisseeri Barbara Miller.
Uuszaichnige
[ändere | Quälltäxt bearbeite]- 2014: Bildigsbryys vu dr Pedagogische Hochschuel Züri un dr Stiftig Pestalozzianum[8]
Weblink
[ändere | Quälltäxt bearbeite]- Jana Avanzini: 50 Fragen an Ellen Ringier. In: Zentralplus, 1. April 2018.
- Rebellion für die weibliche Lust. In: TeleZüri, 15. November 2018.
Fueßnote
[ändere | Quälltäxt bearbeite]- ↑ Ellen Renée Ringier-Lüthy, Moneyhouse, abgruefen am 17. Februar 2019.
- ↑ 2,0 2,1 Evelin Hartmann und Nik Niethammer: Ellen Ringier: «Disziplin war alles. Und Sport». In: Fritz + Fränzi. 7. Dezember 2016, abgruefen am 7. Februar 2019.
- ↑ 3,0 3,1 Die Verlegerin. In: 100 aussergewöhnliche Frauen in der Schweiz. Verein Frauen in der Schweiz, 9. November 2018, abgruefen am 6. Februar 2019.
- ↑ 4,0 4,1 Claudia Senn: Begegnung mit Ellen Ringier. In: Annabelle. Abgruefen am 7. Februar 2019.
- ↑ Katalogyydrag vu dr Dissertation, Nebis, abgruefen am 17. Februar 2019.
- ↑ Trägerstiftung. Museum Haus Konstruktiv, abgruefen am 7. Februar 2019.
- ↑ Über die Stiftung. Stiftung Elternsein, abgruefen am 7. Februar 2019.
- ↑ Ellen Ringier erhält Bildungspreis 2014. In: Klein Report. 28. Oktober 2014, abgruefen am 12. Februar 2019.
|
Dä Artikel basiert uff ere fräie Übersetzig vu dere Version vum Artikel „Ellen_Ringier“ vu de dütsche Wikipedia. E Liste vu de Autore un Versione isch do z finde. |