Mäzen

Us der alemannische Wikipedia, der freie Dialäkt-Enzyklopedy
Hops zue: Navigation, Suech

E Mäzeen isch e Persoon, won e Instituzioon, e kommunaali Iirichdig oder e Persoon mit Gäld oder andere Middel understützt, so dass die oder dä iiri Blään chönne umsetze, ohni dass dr Mäzeen e diräkti Geegeläistig verlangt. D Bezäichnig Mäzeen läitet sich vom Römer bzw. Etrusker Gaius Cilnius Maecenas ab, wo in dr Zit vom Augustus Dichder wie dr Vergil, dr Properz und dr Horaz gförderet het.

Mäzeen chönne Instituzioone wie Museä, Universidäte oder Orchester fördere wie au äinzelni Persoone. Was d Mäzeen mache isch ganz freiwillig und si müesse käini Gründ aagee, wenn si wäi ufhööre drmit.

E wichdigi Funkzioon vom Mäzenaatedum isch under anderem, ass es die öffentligi Mäinig cha beiiflusse, wenn es Vorhaabe vo soziaaler Bedütig förderet.

Abgränzig vom Begriff[ändere | Quälltäxt bearbeite]

S Mäzenaatedum isch altruistisch und e Hufe Mäzeen lege Wärt druf, ass ihre Naame nid erwäänt wird. Vom Mäzenaatedum muess mä dorum dr Euergetismus (vom griechische Euergetes, Wooldääter) underschäide; do goot s im Geegesatz zum Mäzenatedum drum, Macht und Iifluss dur Wooldaate am Gmäinwääse z demonstriere. Bim Sponsoring understützt dr Sponser e Person oder Sach in dr Hoffnig, ass er e wirtschaftlige Nutze wurd überchoo für siis Gäld. Mänggisch isch s scwiirig z entschäide, öb öbber en ächte Mäzeen isch. So het d Familie Medici im Floränz vom 15. Joorhundert d Künst wie weenig anderi gförderet. Wie seer iine das ghulfe het, iiri äigeni Machtposizioon z entwickle und über meereri Joorhundert z bewaare, isch umstritte, und au, öb mä in däm Fall wirklig vo unäigenützigem Handle cha reede.

The Giving Pledge[ändere | Quälltäxt bearbeite]

Im Juni 2010 häi die bäide bekannte Multimilliardäär Bill Gates und Warren Buffett d Kampanie The Giving Pledge (Verspräche, öbbis zgee) gstartet. Si laade drmit die riichste Persoone und Familie in Amerika ii, dr Groossdäil vo iirem Riichdum dr Filantropii z gee. Am Aafang vom August häi si scho 40 Milliardäär drzue brocht, mindestens d Helfti vo iirem Vermööge für wooldäätigi Zwäck z spände.

Dr Buffett het au bekannt gee, ass er noch sim Dood 99 Brozänt vo sim Vermäöge für wooldäätigi Zwäck well hinderloo.[1]

Litratuur[ändere | Quälltäxt bearbeite]

  • Joachim Bumke: Mäzene im Mittelalter. München 1979. ISBN 3406048714
  • Peter Hirschfeld: Mäzene. Die Rolle des Auftraggebers in der Kunst. Berlin 1968.
  • Francis Haskell: Maler und Auftraggeber. Kunst und Gesellschaft im italienischen Barock. Mit eme Noochwort vom Werner Busch. Köln 1996.

Fuessnoote[ändere | Quälltäxt bearbeite]

  1. 40 US-Milliardäre wollen Hälfte des Vermögens spenden. Uf: tagesschau.de 4. August 2010.

Weblingg[ändere | Quälltäxt bearbeite]

 Allmänd (Commons): Philanthropists by country – Sammlig vo witere Multimediadateie
Dä Artikel basiert uff ere fräie Übersetzig vum Artikel „Mäzen“ vu de dütsche Wikipedia.

E Liste vu de Autore un Versione isch do z finde.