Eleggtrizitätsgsellschaft Laufeburg
| EGL AG | |
|---|---|
| Unternähmensform | Aktiegsellschaft[1] |
| ISIN | CH0003288229 |
| Gründig | 1956 |
| Sitz | Laufeburg AG, Schwiz |
| Leitig |
Hans Schulz |
| Mitarbeiter | 803 (30. Novämber 2010) |
| Umsatz | 2,610 Mrd. CHF (GJ 2009/2010) |
| Branche | Energiihandel |
| Uffdritt im Netz | www.egl.eu |
| Dialäkt: Glarnertüütsch |
D Eleggtrizitätsgsellschaft Laufeburg isch e Stromhandelsgsellschaft mit Sitz z Laufeburg. S Schtedtli uf beedne Siite vum Rhii isch drfüür bekannt, ass mindeschtens zechä Hochschpannigsläitige det zämmechänd. Im Nünzechähundertsächsefüfzg het d Chraftwärchgsellschaft vu Laufeburg die Eleggtrizitätsgsellschaft gründet, und uf em Gmäindgebiet vu Käischte isch e grossi Verteilstaziuu buut wordä. Es hät fascht ä unübersichtliche Wald ggii vu Hochschpannigsläitige. Mer het i dr Ziitig chänne lesä vu dr lengschtä Läitig, diä gaht nuch hüt vu Laufeburg bis is Wallis.
Hüt het si d Konzessiuu zum verschideni europäischi Länder mit Eleggtrizität z belifere. Für dr Export uf Italiä bruucht si under anderem d Gotthardläitig, d Lukmanierläitig, Läitige vu dr NOK und d Läitig vu Sils im Domleschg uf Soazza. Usserdem het si siinerziit d Läitig vu Sils i d Pradella la buue und belifered so s Unterängadiin mit Schtrom.