Xavier Koller

Us der alemannische Wikipedia, der freie Dialäkt-Enzyklopedy

Dr Xavier Koller (* 17. Juni 1944 z Ibach i dr Gmeind Schwyz) isch e Schauspiiler und Regisseur us dr Schwiiz. Er macht bsunders Mundartfilm, aber au Wärch i andere Sprooche.

Ane 1979 het er dr Mundartfilm Das gefrorene Herz, wo im Kanton Uri spiilt, träit. Er goot uff em Meinrad Inglin syn Roman Begräbnis eines Schirmflickers zrugg. Au dr Film Der schwarze Tanner vo ane 1985 het e Gschicht vom Inglin uffgnoo; die het dr Inglin 1947 gschribe, und es goot drinn um en Schwiizer Puur, wo im Zwöite Wältchrieg wäge Vorschrifte vom Staat, was müess about wärde, Schwirikeite überchunt.

Im Film Reise der Hoffnung verzellt dr Koller d Gschicht von ere alevitische Familie us dr Türggei, wo i d Schwiiz wott uswandere. D Dialoog i däm Film, wo en reale Hindergrund het, sind uf Türkisch und Schwiizerdüütsch. Für das Wärch het dr Xavier Koller 1991 en Oskar füre bescht ussländisch Film überchoo.

Sid 1991 läbt dr Koller z Los Angeles und macht immer öpe Filme mit änglische Originaltegscht.

em Xavier Koller syni Film[ändere | Quälltäxt bearbeite]

  • 1969: Fano Hill
  • 1972: Hannibal
  • 1976: De Schützekönig
  • 1978: Trilogie 1848 – Der Galgensteiger
  • 1979: Das gefrorene Herz (Urner Tieläkt)
  • 1985: Der schwarze Tanner
  • 1990: Reise der Hoffnung
  • 1994: Squanto – der grosse Krieger
  • 1998: Hearts and Bones
  • 2000: Gripsholm
  • 2001: Ring of Fire
  • 2002: Highway
  • 2006: Havarie
  • 2011: Eine wen iig, dr Dällebach Kari (Bärndütsch)
  • 2013: Die schwarzen Brüder
  • 2015: Schellen-Ursli (Pündnerdüütsch), nach ere Gschicht vo der Selina Chönz

Weblink[ändere | Quälltäxt bearbeite]