Dreizaggbrunne

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

47.5552166666677.5910222222222Koordinate 47° 33′ 19″ N, 7° 35′ 28″ O; CH1903: 611471 / 267178

Dr Dreizaggbrunne, zooberst hets e Fümfzagg mit Wiiderhoogge.
Dialäkt: Baseldütsch
S Brunnebeggi

Dr Dreizaggbrunne, Vierzaggbrunne oder Spiddelsprung-Brunne isch en öffentlige Brunne am Stroossenegge Münsterbärg-Freiji Strooss in dr Altstadt vo Baasel. Dr Brunne isch e Baasler Kulturguet, wo für d Regioon vo Bedütig isch.

Jeedes Joor am Nöijoorsdaag organisiert d Zumft zum Goldige Stärn bim Brunne en «Aadringgede», wo d Baasler mit Hypokras, wo anstatt vo Wasser us äinere vo de Rööre fliesst, uf s nöije Joor aastoosse.

Beschriibig[ändere | Quälltäxt bearbeite]

Dr Brunnedroog us Jurakalchstäi isch kwadratisch mit abgrundetete Egge, und e runde Brunnestogg stoot in sinere Middi. S Wasser fliesst us de Müüler vo vier Basiliske us Bronse. Oobe uf dr Süüle het s drei Delfin, won e Dreizagg heebe.

Gschicht[ändere | Quälltäxt bearbeite]

Scho im 13. Joorhundert het s öbbe dört an dr Freie Strooss e Brunne ghaa, wo denn Spittelsprung-Brunne ghäisse het. Dr Spittelsprung, wo hüte Münsterbärg häisst, het si Naame vom Groosse Spiddaal überchoo, wo bis ins 19. Joorhundert dört gstande isch.

Dr hütig Brunne, wo Drei- oder Vierzaggbrunne häisst, wil oobe druf e Fümfzagg isch, isch 1837 vom Melchior Berri baut worde. 1935 isch er e baar Meter dr Hang uf in Richdig Münsterbärg versetzt worde, wil er de Fuessgänger im Wääg gstande isch.

Kwelle[ändere | Quälltäxt bearbeite]