Diskussion:Kantonsschule

Nid-gimnasiaali Mittelschuälä als Kanti

Hoi Friiguät. Hesch gwisst, dass nid jedi Kantonsschuäl äs Gimnaasium si muäs? So gids z Sanggallä d Kantonsschuäl am Briäl, wo hitt d Fach-, d Informatik- und d Wirtschaftsmittelschuäl underbracht sind und friäner, bis 2001, d Vercheersschuäl – also alles nid-gimnasiaali Mittelschuälä? Scheenä Gruäss --B.A.Enz (Diskussion) 23:08, 11. Mär. 2021 (MEZ)

@B.A.Enz: O jee … Merci für dèè Hiiwys! Die «Mittelschuel» füert aso nöd zur Matuur? Oder wie definiert mer dänn es Gimi? En liebe Gruez vom --Freiguet (Diskussion) 09:39, 12. Mär. 2021 (MEZ)

@Friiguät  . 1. Äs Gimi fiärd zur (gimnasiaalä) Matura. 2. Diä mäischtä Kantoonsschuälä sind Gimis. 3. Nid alli Gimis sind Kantoonsschuälä. S äintä isch ä Schuältipp, s ander säid mee uis uber Trägerschaft.

«MS» cha als Oberbegriff fir Gimis und nid-gimnasiaali MS gältä. Diä nid-gimnasiaalä MS fiärid heechschtens zunärä BM (Bruäfsmatura) oder zunärä sog. FM (Fachmatura). Gmäinsam isch allnä MS, sowiit ich gsee, dass si Vollziitschuälä uf der Sekundarschtuifä II (d.h. im naachobligatoorischä Beräich) sind. Terminoloogisch isch nid immer alles ganz loogisch und äinäwäg de nu vilfach vo Kantoon zu Kantoon verschidä.

Us dr Innerschwiiz kenn ich oi nid-gimnasiaali MS, wo anärä Kanti aghänkt sind (FMS a dr Kanti Sursee & a dr Kanti Seetal z Baldegg / WMS a dr Kanti Wilisoi. S kantonaalä Fach- & Mittelschuälzentrum z Luzärä bezäichned sich aber nid as «Kantoonsschuäl», im Gägäsatz zur vergliichbaarä Schuäl z Sanggallä. Wottsch es nu kompliziärter ha? Fir mii Grosmuäter isch vor mee as 111 Jaar d MS ä Täil vo dr Primaarschuäl gsi, nämlich diä 3. & 4. Klass. Aber vo däm redt hit niämer mee. Ä liäbä Gruäss --B.A.Enz (Diskussion) 14:53, 12. Mär. 2021 (MEZ)

Tank der vilmaal! Wett dän uf de deWiki emaal na e Diskussioon aastoosse, was mer deete mached – es git en mageren Artikel Kantonsschule, wos aber mee um d Mittelschuel gaat, defüür fèèlt en Artikel Mittelschule (Schweiz) oder esoo öppis. Da chasch di dänn gèèrn i s Züüg legge! :-) --Freiguet (Diskussion) 15:29, 12. Mär. 2021 (MEZ)

Dankä fir diini Voorschleg. Bi vilicht scho zwiit vo dr Schuäl äwäg ...  . --B.A.Enz (Diskussion) 20:53, 12. Mär. 2021 (MEZ)