Diskussion:Dürrenbach
Grad hanni gseh, dass noch minere Änderig scho gli eine de Rhi zu "Rhii" g'ändert hät. Isch do jetz öber beleidigt, wil ich si Artikel verbessert ha? Ich mein nur, wil de fehlerhaft Satz über d A98 jo nur d Spitze vo me gigantische Isberg isch ... nit signierte Bydrag vu dr IP 2A02:8071:A28C:4100:C16B:A27B:9855:51DC 16:14, 18. Nov. 2015 (MEZ)
- Da isch niemert beläidiget – und s isch au nöd myn Artikel. S isch nu drum ggange, d Schrybig im ganzen Artikel äinhäitlich z laa. Und susch: Nu zue, schmilz de gigantisch Ysbëërg! Und: Bisseguet dyni Byträäg daa uf de Diskussioonssyte mit zwee Trännstrich plus vier Tilde schlüüsse. Merci und Gruez, --Freiguet (Diskussion) 17:22, 18. Nov. 2015 (MEZ)
OK, des verstand i jo, nur an de inhaltliche Mängel ändert's halt nüt. Ich ha de Hochdütsche Artikel scho grotteschlecht gfunde, und wo i dann gseh ha, dass es no e alemannischi Fassig git, wo aber au nur e Übersetzig vom hochdütsche mit inhaltliche Fehler isch, do hanni mi halt scho gwundert. Do entstoht de Idruck, dass sich eine e paar Infos us de erschte drei Google-Ergebnisse zämmekopiert hät und in Wirklichkeit no nie in sim Läbe überhaupt z'Minsle gsi isch. Und s'Ergebnis list sich, als würd de Bach underhalb vo Minsle irgendwie im Bode "versickre", z'Rhifelde wie e Fontäne wiider us em Bode schieße und denoch eifach witerfließe. De Zämmehang mit em Bach z'Nollinge fehlt zum Bispil komplett, wo si doch wesentlich interessanter z'läse wär als "d Quelle ligt südlich vom Südschwarzwald" oder "de Bach isch e nördliche rächte Nebefluss vom Rhi". Aber d Behauptig, wo de Bach wiider ufftaucht, also mitte in de Stadt, würd bal e Autobahnbruck baut werde - des hanni eifach mieße ändere, so blöd ka keine sii, dass er so öbis schribt. De Verfasser dät güet dra, de Artikel no mol komplett neu z'schribe und vorher vilicht mol selber de Schwarze Wäg langzgoo. Die Fassig jetzt isch e ziemlichi Katastroph, und des über e Thema, wo do bi uns doch scho e bitzli e Phänomen isch ... --2A02:8071:A28C:4100:D4F4:4064:8C38:C13A 20:02, 18. Nov. 2015 (MEZ)
- Sali. Dr Verfasser vum Artikel isch laider scho syt e baar Johr nit aktiv uf dr Wikipedia. Aber Du chasch dr Artikel gärn sälber nei oder umschrybe. Grueß, --Holder (Diskussion) 06:45, 19. Nov. 2015 (MEZ)
- @unbekannti IP: sin aigne Bytrag signiere uf ere Diskussionssite goht esoo;
--~~~~oder druck uf s Signet
i de Bearbeitigswärchzügliiste über em Textfäld. 
Gruess --Schofför (Diskussion) 12:56, 19. Nov. 2015 (MEZ)
- @unbekannti IP: sin aigne Bytrag signiere uf ere Diskussionssite goht esoo;
Ich ha jetzt mol e Neufassig gschriibe, vilicht list's mol no öber dure. E Bild vo de Bachschwinde wär no nit schlecht, ich haa aber keins. --2A02:8071:A28C:4100:826:454C:A6AE:23AE 17:55, 19. Nov. 2015 (MEZ)
- Jo, i han uf de Allmänd gsuecht – es git tatsächlech e käs witers Bild vo däm Bach. Aber vilicht cha jo öper, wo döt i de Nöchi wohnt, es paar Föteli go schüüsse. Danke im Voruus und Gruess --Schofför (Diskussion) 22:45, 19. Nov. 2015 (MEZ)
- Ich haa uf dr Commons mol bi aim vu dr Premiumfotografe us dr Region aagfrogt. --Holder (Diskussion) 06:32, 20. Nov. 2015 (MEZ)