Diskussion:Abessinisches Kaiserreich

Seiteninhalte werden in anderen Sprachen nicht unterstützt.
Us der alemannische Wikipedia, der freie Dialäkt-Enzyklopedy

980 v. Chr.? Da cha nöd mögli sii! Di äthiopische Quelle - wa d Stammbömm agoot - chönnd doch nöd i alem Ernst as zueverlässig gelte! Menelik, Soo vom Salomon und vode Königin vo Saba (e völig unhistorischi Märlifigur), dascht doch asen e Phantasterai, wie anderi vo Lügemönche und groosmuulige Adlige erfundeni Gschichtli! Im Mittelalter isches nöd nume z Europa, sondern offesichtlich au z Äthiope uufchoo, as irgedweli Herrscher und underwürfigi Mönche Stammbömm ersune hend, wo bis uf Adam und Eva zrugggönd. Di englischi Königi cha sich so z.B. öber historischi Könige usem 6. Jh.n.Chr., uf de germanische Gott Woden (müesst deno im 3./4.Jh. glebt ha) bis zom liebe Gott zruggfüere (gsiet öppen asen uus: Adam - Seth - Enos - Cainan - Malaleel - Enoch - Mathusalem - Lamech - Noe - Sem/Sceaf - Bedwig - Huala - Hathra - Itermod - Heremod - Sceldwa - Beaw - Cætwa - Geata - Godwulf - Finn - Frithuwulf - Frealf - Frithuwald - Woden - Hengist - Aesc - Octa - Eormenric (vermuetli historisch) …… oder alternativ und bsunders gaistriich: Adam - Seth - Ernos - Kain - Malaleel - Phareth - Enoch - Mathusalem - Lamech - Noi - Japhet - Japhem (de bibl. Javan) - Zethim (de bibl. Chittim) - Kiprus (Zypere) - Kretus (Kreta) - Saturn (römische Gott) - Jupiter (nomole so ann) - Darius (nai nöd de persischi Chüng sonder de Dardanus, Gründer vom trojanische Königshuus, aso e Märlifiguur) - Erithonius - Troes - Ilus - Lamidon - Priamus (de birüemti Chüng vo Troja, e potenti Märlifiguur) - Troan - Thor (de nordischi Dunnergott) - Lorida - Eredei - Vingithorr - Moda - Magi - Seskef - Bedvig (und denn darsch dobe mitem Bedwig witterfaare bis zom Tschaarli, wo nie englische Chüng were werd, well sini Muetter no de Methusalem a biblischem Alter öbertreffe werd!). Nume so as Biispiil, s gitt no hunderti asigi lostigi Stammbömm - jo, die hend halt no ka Fernsee und Internet ghaa i de mittelalterliche Chlööster - nöd do z Europa und au nöd dai une z Äthopie - um eri Langwiili zvertriibe.

Die äthiopische Stammbömm - nota bene - sind zodem völlig widersprüchlich scho i sich elai! Nememer de Bäzen aa, de söll denn glebt haa, wo de Jesus uf d Welt choo isch (cha jo nöd anders sii). Ai Version zällt denn bis zom Qustantinos (um 450) 25 Herrscher uuf, en anderi aber 35! Öppe e Drittel vo de Näme chömet i beede Variante vor! Statistisch bitrachtet, zimmli mageri Kongruenz! Mit de historisch verbürgte Chünge vo Aksum (Inschrifte und Münze) chamer grad no e handvoll gliichsetze, wemer die Genealogie ernst nee möcht. D Inschrifte vo de König vo Da'amat wered eender is 5. Jh.v.Chr datiert, 700 v.Chr. schiint z früe z sii (aber ase gnau waiss mer da natürli nööd). Vier historisch verbürgti Näme us dere Zitt, und denn, för 500 Joor Rue, kai schriftlichs Zügnis, dunkles Zittalter.

Im Artikel stoot, ass de Ezana de erst christlichi Chüng gsii isch. Da isch historisch biwise. De Ezana hett nämli - wie sini Vorgänger Münze mitere Moosichle - em Symbool vom höchste Gott Elmaqqah - prääge loo und au Inschrifte verfasst, woner meriri haidnischi Götter vereert hett. Spööter het denn de gliich Ezana as erste Chüng vo Aksum Münze mit em Chrütz prägt und het e Inschrift verfasst, woner sich "Diener Christi" nennt. Deno wär aso Äthiope zerscht jüdisch gsii - denn de Menelik, Soo vom Salomo, dörscht jo woll rechtglöibig erzoge woore sii, denn sind s Haide woore, bis de Ezana Diener Christi woren isch. Jojo, ase Gschichte sind au wiit verbraitet: Früener sind nämmli ali Mensche braafi Christe/(Jude) gsii und denn verblendet us puurer Dekadenz is Haidetum gfale, bis endli s hailige Liecht vo Jerusalem ene wider die woori froidigi Botschaft is Hirni ghämmeret het. Amen! Und di froome Mönche hend jubiliert und di absoluti Woored us de Finger i Form vo christliche Stammbömm gsoge: Menelik, erste Chasier vo Äthiopie, Soo vom Salomo, dodemit e Verwandte Jesu Christi! Halleluja! Andersch chas jo nöd sii! Und d Affefrau Lucy isch natürli nume d Stammfrau vom unwürdige Volch wo eh nünt verstoot. --al-Qamar (Diskussion) 00:42, 23. Jun. 2015 (MESZ)[Antwort gee]

Extärni Link gänderet[Quälltäxt bearbeite]

Sali Mitautore,

Ich haa 1 extärni Link uf Abessinisches Kaiserreich gänderet. Nämen ich bittschen e Momänt un luege no mym Edit. Wänn Ihr Froge hän, oder wänn dr Bot d Link oder di ganz Syte soll ignoriere, gehen bitte uf die FaQ-Syte fir mee Infiormatione. Ich haa die Änderige gmacht:

Wänn Ihr fertig sin mit em dureluege vu myne Änderige, chennen er no dr Aawysige in dr Vorlag unte no Fähler flicke.

Cheers.—InternetArchiveBot (Fehler melden) 20:34, 3. Sep. 2019 (MESZ)[Antwort gee]

Extärni Link gänderet[Quälltäxt bearbeite]

Sali Mitautore,

Ich haa 1 extärni Link uf Abessinisches Kaiserreich gänderet. Nämen ich bittschen e Momänt un luege no mym Edit. Wänn Ihr Froge hän, oder wänn dr Bot d Link oder di ganz Syte soll ignoriere, gehen bitte uf die FaQ-Syte fir mee Infiormatione. Ich haa die Änderige gmacht:

Wänn Ihr fertig sin mit em dureluege vu myne Änderige, chennen er no dr Aawysige in dr Vorlag unte no Fähler flicke.

Cheers.—InternetArchiveBot (Fehler melden) 09:56, 8. Sep. 2019 (MESZ)[Antwort gee]