Pfadfender

Us der alemannische Wikipedia, der freie Dialäkt-Enzyklopedy
Dialäkt: Schwäbisch
Fahnegrueß vo Pfadfender beim World Scout Moot 1996

E Pfadfender ischt e Aagheriger vo dr Pfadfenderbewegong. Die erschde Pfadfendergrubba send vor iber hond'rd Johr in England 1907 vom Lord Robert Baden-Powell (BiPi) gründed worda. Des isch en General gwesa, wo fir England en India ond in Süafrika gwesa isch. Der hot uff ra Insel s'erschde Zeldlager für Buaba gmacht. D'r BiPi hot no au a Buach gschriba, wo 1908 onder dem Titel „Scouting for Boys“ rauskomma isch.
Kurz druff hats au en Deitschland no scho Pfadfender gebba. Des Buach vom BiPi hot m'r schnell ibersezd ond scho 1909 of Deitsch verkaufd. Ond no send scho vor am erschda Krieag en faschd elle deutschbrachige Lender Grubba entschdanda, wo sich no en underschiedliche Organisationa zammado hend. Do hots no Evangelische ond Kaddolische gebba ond fir Buaba ond Mädla au getrennd.
Em dridda Reich send elle Pfadfenderorganisationa verboda worda. Elle Mitglider aus de Grubba send en'd Hitlerjugend eiglidert worda. Elle Verbend, wo an a Kirch ogschlossa warat, hen sich a bissle lender oabhängig halda kenna, aber 1938 send die no au von d'r Geschdabo verboda worda.
Em zwoida Weldkrieag send au elle Pfadfenderverbend en denne Lender verboda worda, wo Deitschland besetzt ghet hot.

Noch em zwoida Weldkrieag send die Organisationa wieder aufbaud worda. Blos d Russe hen s en ihre Besatzungszone ned erlaubt. Au schbäder en d'r DDR send Pfadfender emmer verboda gwesa, weil's dort jo d' FDJ ond d'Thälmanngrubba gebba hot, wo sich ihr Programm von de Pfadfender abguckt hen.

So en de 70er ond 80er Johr hen sich die meischde Pfadfenderverbend fir Buaba ond Mädla ognäherd ond hen sich zamma do.

Nochdem 1990 d' Mauer weg gwesa isch, send au en d'r ehemalige DDR Pfadfedergrubba endschdanda. Die meischde hen sich Organisationa ogschlossa, wo's au en d'r Bunderrebubligg scho gebba hot. Aber s'send au oigaschdendige Verbend endschdanda.

Ogfähr gleichzeidig dod'rmid send freikirchliche Pfadfenderverbend endschdanda, wie zom Beischbil d' Royal Rangers odder d' chrischdliche Pfadfender der Adventjugend. En d'r Nordelbischa Kirch (Hamburg ond Schleswig-Holschdei) wachst seit 1996 d'r Ring vo Evangelische Gemeindepfadfender. Emmer meh Kirchagemeinda ibernemmat Pfadfenderei als Methode fir ihr Kender- ond Jugendarbeid.

Literatur[ändere | Quälltäxt bearbeite]

  • Robert Baden-Powell: Pfadfinder. Georgs-Verlag, Neuss 1996 ISBN 3-927349-41-0
  • Hans E. Gerr: Pfadfinden: Erziehungsziele, pädagogische Grundsätze und bedürfnisorientierte Arbeit in den Altersstufen. Deutscher Spurbuchverlag, Baunach 1998, ISBN 3-88778-222-4
  • Hans E. Gerr: Pfadfindererziehung: Baden-Powells Entwurf einer Erziehung durch Scouting. 2. Auflage. Deutscher Spurbuchverlag, Baunach 1996, ISBN 3-88778-150-3 (Zugleich: Würzburg, Universität, Dissertation, 1981)
  • Hans E. Gerr: Die Pfadfindermethode. Zur Aktualität pfadfinderischer Erziehungsgrundsätze. Deutscher Spurbuchverlag, Baunach 2000, ISBN 3-88778-246-1
  • Hans E. Gerr: Einführung in die Pfadfinderpädagogik. Ein Handbuch für Leiterinnen und Leiter. 2. Auflage. GRIN Verlag, München und Ravensburg 2009, ISBN 978-3-640-12483-1
  • Hans E. Gerr: Pfadfinden - Weg einer Selbsterziehung zum wertorientierten Handeln. Eine Einführung in die Pfadfinderpädagogik. disserta Verlag, Hamburg 2014, ISBN 978-3-95425-585-6
  • Alexander Lion: Das Pfadfinderbuch. Reprint. Deutscher Spurbuchverlag, Baunach 1987, ISBN 3-88778-164-3
  • Laszlo Nagy: 250 Millionen Pfadfinder – rund um die Welt. Panorama-Verlag, Altstätten (Schweiz) 1984, ISBN 3-907506-42-1
  • Thomas Römer, Hubert Röser (Hrsg.): Pfadfinder-Lexikon. Georgs-Verlag, Neuss 1999, ISBN 3-927349-52-6
  • World Organization of the Scout Movement (Hrsg.): Die Grundlagen der Pfadfinderbewegung. Georgs-Verlag, Neuss 1997, ISBN 3-927349-44-5

Weblink[ändere | Quälltäxt bearbeite]

 Commons: Pfadfinder – Sammlig vo Multimediadateie

Weltpfadfenderbewegong

Deitschland

Liechtestoi

Öschterreich

Schweiz