Daniel Koch
De Daniel Koch (* 13. April 1955) isch en Schwizer Arzt. Er isch vo 2008 bis 2020 de Leiter vo de Abteilig «Öberträgbari Chrankete» bim Bundesamt för Gsundheit (BAG) gsi.[1]
Läbeslauf
[ändere | Quälltäxt bearbeite]De Daniel Koch hät a de Uni z Bärn Medizin studiert und dänn e paar Johr lang as Assistänzarzt gschaffet. Vo 1988 bis 2002 isch er för s Internationale Komitee vom Rote Chrüz (IKRK) tätig gsi, zerscht as medizinische Koordinator i Krisegebiet, under anderem währed em Bürgerchrieg z Sierra Leone, z Uganda, z Südafrika und z Peru.[2]
Ab 1997 hät er as medizinische Mitarbeiter am Hoptsitz vom IKRK z Gämf gschaffet, won er för di medizinische Programm z Afrika zueständig gsi isch. Im 1996/97 hät de Koch sini Uusbildig mit eme Nochdiplomstudium a de Johns Hopkins Universität z Baltimore i de USA ergänzt und säb mit em Master in Öffentlicher Gesundheit (MPH) abgschlosse.[3]
Vo 2002 bis 2020 isch er för s BAG in underschidliche Fachberiich tätig. Er isch Mitglid vo de Taskforce gege d SARS-Pandemii 2002/2003 und d Vogelgrippe H5N1 2005/2006 gsi. Bis 2006 hät er d Sektion «Impfungen» gleited, vo 2006 bis 2008 d Sektion «Pandemievorbereitung».
Schwizwit bekannt worde isch de Daniel Koch im Früejohr 2020 währed de wältwite COVID-19-Pandemii wäge sinere mediale Präsenz i de Schwizer Medie as Leiter vo de Abteilig «Öberträgbari Chrankete» bim BAG.
Aafangs April 2020 isch de Stefan Kuster em Daniel Koch sin Nochfolger as Abteiligsleiter bim BAG wore. De Koch wörd Endi April pensioniert, schaffet aber bis zur Bewältigung vo de Pandemii under em Titel «Delegierter des BAG für COVID-19» witer und tuet s BAG witerhii i de Öffentlichkeit verträte.[4]
De Daniel Koch hät zwei erwachsni Töchtere und wohnt z Wole bi Bärn.[5] Näbed sim Iisatz im Gsundheitssektor setzt er sich i de Stiftig Certodog för de Tierschutz ii.[6]
Weblink
[ändere | Quälltäxt bearbeite]
Commons: Daniel Koch – Sammlig vo Multimediadateie- d Website vo de Abteilig Öberträgbari Chrankete vom BAG
- BAG-Koch: «Ich war schon immer mager, keine Sorge» Artikel uf nau.ch vom 19. März 2020
- «Rundschau talk» mit Daniel Koch vom Bundesamt für Gesundheit uf srf.ch vom 18. März 2020
Fuessnoote
[ändere | Quälltäxt bearbeite]- ↑ Bundesamt für Gesundheit BAG: Abteilung Übertragbare Krankheiten uf bag.admin.ch abgruefen am 28. März 2020
- ↑ Nico Menzato: Daniel Koch: Dieser Mann schützt die Schweiz vor Coronavirus Artikel uf blick.ch vom 26. März 2020
- ↑ Swiss Public Health Conference 2016: Keynotes | Hauptreferenten, Dr. med. Daniel Koch, MPH, Curriculum Vitae uf organizers-congress.org abgruefen am 28. März 2020
- ↑ Neuer Leiter der Abteilung Übertragbare Krankheiten des BAG Mediemitteilig uf bag.admin.ch vom 30. März 2020
- ↑ Daniel Koch uf certodog.ch abgruefen am 28. März 2020
- ↑ Adrian Müller: Das Gesicht der Krise – so tickt «Mr. Coronavirus» Daniel Koch Artikel uf watson.ch vom 5. März 2020
|
Dä Artikel basiert uff ere fräie Übersetzig vu dere Version vum Artikel „Daniel_Koch“ vu de dütsche Wikipedia. E Liste vu de Autore un Versione isch do z finde. |