Radio SRF 1

Us der alemannische Wikipedia, der freie Dialäkt-Enzyklopedy
(Witergleitet vun DRS 1)

Radio SRF 1 (bis Dezember 2012 DRS 1) isch als das erschti Programm vum Schwiizr Radio (SRF), dr verbreitischt und dr meischt gköhrtischt Radiosender vu de Schwiiz.

s Logo sit Dezämber 2022

Nachrichte[ändere | Quälltäxt bearbeite]

Dr Radiosender leit sehr viil Wert uf aktuelli und vertüüfti Informatione, Hintergrundsendige und Unterhaltig dur Satire und Hörspiil. Zu de Nachrichtesendige strahlt dr Sender au mehrfach am Tag verschideni Regionaljournal uus, wo us de verschidene dytschsproochige Regione brichte (Basel-Stadt/Baselbiet, Aargau/Soledurn, Bärn/Fryburg/Wallis, Zentralschwyz, Züri/Schaffhuuse, Oschtschwyz und Graubünde). Gsendet wird uf Schwyzerdytsch und Hochdytsch.

s Logo von 2020 bis 2022
s Logo vom 16. Dezämber 2012 bis 2020
s Logo vo DRS 1 bis Ändi 2012
s Logo vo DRS 1 vor 2007

Musik[ändere | Quälltäxt bearbeite]

Uff em Programm stoht Musik uss zimlig vyle Bereich. So wärde zum Byspiil Oldies gschpiilt, gnauso aber au Schlager, Volksmusik und zu me gleine Teil au Aktuelles. Dodemit stellt Radio SRF 1 e Parallele zum dytsche Sender SWR4 dar, isch allerdings no e bitz weniger uff Schlager ussgrichtet wie SWR4.

Mundartprogramm[ändere | Quälltäxt bearbeite]

Uf em Radio SRF 1 gits jede Dunnschtig z Oobe di eistündig Mundartsändig «Schnabelweid» und jede Tag au e churzi Rubrik im Verlauf vom Morge. D Mundartredaktore vom Radio sind de Markus Gasser und de Christian Schmutz. Früener isch d «Schnabelweid» langi Johr vom Christian Schmid gleitet worde.

Lueg au[ändere | Quälltäxt bearbeite]

Weblink[ändere | Quälltäxt bearbeite]