Cornelia Camichel Bromeis

D Cornelia Camichel Bromeis (* 16. Dezember 1970) isch e reformierti Bündner Pfarrerin, wo hüt z Züri würkt.

Läbe

Ufgwachse isch d Cornelia Camichel z Casti im Bezirk Albula. Nach em Bsuech vom Lehrerseminar z Khûr het si zwei Johr an de Gsamtschuel z Guarda Unterricht geh. Danach het si z Basel, z Bärn und z Frybùrg evangelischi Theologii gschtudiert. Si isch Pfarrerin z Khûr gsi, bevor si uf ihri hütigi Pfarrstell uf Davos-Platz gwechslet het. Si isch mit em Ernst Bromeis ghürote und het drei Chind.

Bekannt ist si au, wil si Sprecherin vom «Pled sin via» isch, em rätoromanische «Wort zum Sunntig» vo Radiotelevisiun Svizra Rumantscha.

I Chileleitige m Bündnerland

Vom 2007 bis ins 2013 isch d Cornelia Camichel Chilerötin vo de Evangelisch-reformierte Landes-Chile Graubünde gsi und im Juni 2014 het d Bündner Synode si zu de erschte Bündner Dekanin gwählt. Vo 2015 bis 2021 het si d Bündner Synode gleitet und isch dodemit wider ex officio Mitgliid vom Chilerot gsi.

Hüt

Sit 2021 isch si Pfarreri i de Chilegmäind Züri, wo si hauptsächli am St. Peter würkt.

Dezue ane isch si sit 2016 im Vorstand vo de Reformierte Medie.

Weblink

• Bericht über d Wahl vo de Cornelia Camichel zur Dekanin uf de Webiste vo de Bündner Chile
• Höchstes reformiertes Bündner «Pfarramt» in Frauenhand uf em Portal vo de Reformierte Chilene