Collonges VS
| S VS im Lemma isch s offiziell Chürzel vom Kanton Wallis und wird bruucht, zum Verwächslige mit Yträäg vom Name Collonges vermyde, wo öppis anders meined. |
| Collonges | |
|---|---|
 | |
| Basisdate | |
| Staat: | Schwiiz |
| Kanton: | Wallis (VS) |
| Bezirk: | Saint-Maurice |
| BFS-Nr.: | 6211 |
| Poschtleitzahl: | 1903 |
| Koordinate: | 568710 / 113362 |
| Höchi: | 452 m ü. M. |
| Flächi: | 12.3 km² |
| Iiwohner: | 843 (31. Dezämber 2022)[1] |
| Website: | www.collonges.ch |
 Collonges | |
| Charte | |
 | |
Collonges (fp. [a kɔlɔ̃dzə]) isch e Munizipalgmeind im Bezirk vo Sankt Moritz im Kanton Wallis.
Geografii
[ändere | Quälltäxt bearbeite]Collonges liit zwüsche Sankt Moritz und Martinach. S Dorf isch uf dr rächte Syte vo dr Rhone wisawi vo Evionnaz.
Dr Gmeindbann goot vom Taalbode ganz stotzig dr Bärghang im Oschte z duruff bis zu dr Kreete vo de Dents-de-Morcles (2968.9 m.ü.M.). Dr Bärgbach L'Aboyeu chunt us em riisige Chrache bi dr Alp Arbignon obenabe und het im Taal unde sid der letschte Yschzyt e wyte Schuttfächer gschaffet, wo d Rhone gäge Weschte abglänkt het. Am südleche Rand vo däm Hügel liit s Dorf Collonges.
Vo Collongres goot e Brugg über d Rhone zum Baanhof vo Evionnaz.
Gschicht
[ändere | Quälltäxt bearbeite]Collonges isch ane 1239 s erschte Mol erwäänt. Es isch vermuetli neu bout worde, wil dr Wildbach L'Aboyeu s früenere Dorf Arbignon zerschtöört het.
Ane 1723 het me d Chapelle vo dr Heilige Anna z Collonges zunere Pfarrchile gmacht.
Früener isch obenam Dorf imene Bärgwärch Antrazit gunne worde.
Iwoner
[ändere | Quälltäxt bearbeite]Quella: Bundesamt für Statistik 2005[2]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iwoner | 408 | 392 | 418 | 397 | 367 | 402 | 331 | 433 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iwoner | 317 | 318 | 324 | 301 | 343 | 346 | 453 | 488 |
Dr Üsländeraateil ischt 2010 bi 10,8 % glägu.[3]
Religion
[ändere | Quälltäxt bearbeite]79,1 % vannu Iwonru sint im Jaar 2000 remisch-katholischi gsii, 9,6 % evangelisch-reformierti.[3]
Politik
[ändere | Quälltäxt bearbeite]Dr Ggmeindspresident va Collonges ischt dr Fabrice Blanchut (Stant Oktober 2017).
Spraach und Tialäkt
[ändere | Quälltäxt bearbeite]Bi dr Volchszellig 2000 heint vannu 488 Iwonru 91,4 % Franzeesisch als Höiptspraach aagigää, 1,6 % Titsch, 2 % Talienisch und 5 % anneri Spraache.[3]
Dr tradizionäll Tialäkt va Collonges gcheert zum Frankoprovenzalisch.
Weblink
[ändere | Quälltäxt bearbeite]
- Website vo dr Gmeind Collonges
- Bernard Monnet: Collonges.. In: Historisches Lexikon vo dr Schwiiz.
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- 1 2 3 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
