Christine Neumann

Dialäkt: Undermarkgreflerisch

D Christine Neumann, au Christine Neumann-Martin (* 3. Oktober 1986 z Charlsrue), isch e dytschi Bolitikeri (CDU) un syt 2016 Mitglid vum Landdag vu Bade-Wirttebärg. Syt 2021 isch si stellverdrättendi Fraktionsvorsitzeri vu dr CDU-Landtagsfraktion.

Lääbe un Uusbildig

D Neumann het d Mittler Ryfi gmacht un derno vu 2003 bis 2005 bim Regierigsbresidium Charlsrue Verwaltigswirti glehrt. Ai Johr lang het si nocherdani au dert as Verwaltigsaagstellti gschafft. No dr Fachhochschuelryfi het si ab 2007 an dr Evangelische Hochschuel z Ludisburg Sozialpedagogik un Sozialarbet studiert. Noch em Abschluss (Bachelor of Arts) 2011 het si 15 Monet lang as Stadtdailsozialarbaiteri bim Jugedamt vu dr Stadt Speyer gschafft un sech Monet as Bezirkssozialarbaiteri bim Soziale Dienscht vu dr Stadt Charlsrue. Näb dr Arbet het si ne Färnstudium an dr Tächnische Universitet Lautre in Erwachsenebildig gmacht un 2014 mit em Master of Arts abgschlosse. Vu 2013 bis 2016 het si as Hilfsblaneri un Fallmanageri im Rothuus Wescht in dr Abdailig Yygliderigshilf z Charlsrue gschafft.

D Neumann isch evangelisch un ghyrote. Si het zwoo Dechtere.

Bolitik

Anne 2006 isch d Neumann in di Jung Union un in d CDU yydrätte. Syter 2009 isch si stellverdrättendi Chraisvorsitzeri vu dr Junge Union Charlsrue Land un syt 2013 stellverdrättendi Bezirksvorsitzeri vu dr Junge Union Nordbade. Syt 20909 isch si derzue au Grindigsmitglid un Vorstand vu dr Fraue Union Ettlinge un Bysitzeri im CDU-Ortsverband Bruchhause. Anne 2014 isch si stellverdrättendi Vorsitzeri vum CDU-Stadtverband Ettlinge wore.

Bi dr Landdagswahl z Bade-Wirttebärg 2016 het si im Wahlchrais Ettlinge kandidert un isch iber s Zwaitmandat in Landdag gwehlt wore. Im Landdag isch si stellverdrättendi Vorsitzeri im Uusschuss fir Sozials un Integration un Mitglid im Uusschuss fir Wisseschaft, Forschig un Chunscht un im Untersuechigsuusschuss „Rechtsterrorismus/NSU BW II“. Derzue isch si stellverdrättend Mitglid im Uusschuss fir Inners, Digitalisierig un Migration, im Uusschuss fir Wirtschaft, Arbet un Wohnigsböu, im Uusschuss fir Verchehr un im Untersuechigsuusschuss „Zulagen Ludwigsburg“.

Bi dr Landdagswahl 2021 isch si wider iber s Zwaitmandat in Landdag yyzoge. In dr Legislaturperiod 2021 bis 2026 isch d Neumann-Martin stellverdrättendi Fraktionsvorsitzeri vu dr CDU-Landtagsfraktion. Si isch Vorsitzeri vum Arbetskrais Landesentwicklig un Wohne un Mitglid im glychnamige Uusschuss, derzue isch si au Mitglid im Petitionsuusschuss. Zue dr Landdagswahl 2026 dritt si nimi aa.

Sunschtigs Engaschmänt

• Mitglid im Kuratorium vu dr Jugedstiftig Bade-Wirttebärg
• Wisseschaftligi Byreeti vum Huus vu dr Gschicht Bade-Wirttebärg
• Vorsitzeri vum Förderverein Franz- Kast-Haus e. V. Ettlingen
• Ehrenamtligi Rettigsschwimmuusbilderi in dr DLRG Ortsgruppe Ettlingen e. V.

Weblink

• Offiziälli Websyte vu dr Christine Neumann
• Landtag Baden-Württemberg: Christine Neumann