Carola Wolle

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Carola Wolle, geb. Weber (* 18. Novämber 1963 z Sontheim[1]), isch e dytschi Unternämeri un Bolitiker (AfD). Syt Merz 2016 isch si Mitglid vum Landdag vu Bade-Wirttebärg.

Lääbe[ändere | Quälltäxt bearbeite]

D Carola Wolle isch z Beilstaa uf d Grundschuel gange un z Baodmer uf d Realschuel. Z Hailbrunn het si am Wirtschaftsgimnasium Abitur gmacht. Anne 1991 het si an dr Universitet Mannheim en Abschluss as Diplom-Chauffrau gmacht. Vu 1991 bis 2007 het si bi dr Daimler AG im Berych Organisation un Personal gschafft. Syter anne 2008 isch si Gschäftsfiereri vu dr MSR-Technik Naegele GmbH + Co. KG, em Dienschtlaischtigsunternäme fir Styyrtächnik im Berych Haizig un Klima. Si isch evangelisch, gschide un het e Suhn. Si wohnt z Beilstaa.[1]

Bolitik[ändere | Quälltäxt bearbeite]

D Wolle isch anne 2013 Mitglid vu dr AfD wore, syt Juni 2014 isch si Mitglid vum AfD-Chraisverband Hailbrunn. Syt Juli 2015 isch si Mitglid vum Landesvorstand vu dr AfD Bade-Wirttebärg un syt Mai 2015 isch si Sprächeri vum AfD-Mittelstandsforum Bade-Wirttebärg.

Bi dr Landdagswahl 2016 isch si iber e Zwaitmandat im Wahlchrais Neckersulm in Landdag gwehlt wore.

Im Landdag isch si stellverdrättendi Vorsitzeri vum Uusschuss fir Wirtschaft, Arbet un Wohnigsböu un im Uusschuss fir Soziales und Integration. Stellverdrättend Mitgli isch si im Petitionsuusschuss, im Ständigen Uusschuss, im Uusschuss fir Europa un Internationals, im Uusschuss fir Wisseschaft, Forschig un Chunscht, im Uusschuss fir Finanze, im Uusschuss fir Umwält, Klima un Energywirtschaft un im Untersuechigsuusschuss „Rechtsterrorismus/NSU BW II“.

Sunschtig Engaschmänt[ändere | Quälltäxt bearbeite]

  • Mitglid vum Verwaltigsroot vu dr Wirttebärgische Staatstheater Stuegert.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. 1,0 1,1 Marion Schrade: Carola Wolle: »Wir legen den Finger in die Wunde«. gea.de, 11. Februar 2016