Callirrhoe (Mond)
|
Dä Artikel bschäftigt sich mitem Mond Callirhoe vum Planet Jupiter, anderi Bdütige vu dem Begriff findener under Callirrhoe |
| XVII Callirrhoe | |
|---|---|
| Vorläufigi Bezeichnig | S/1999 J 1 |
| Zentralchörper | Jupiter |
| Eigeschafte vum Orbit | |
| Grossi Halbax | 24.102.000 km |
| Periapsis | 17.281.000 km |
| Apoapsis | 30.923.000 km |
| Exzentrizität | 0,283 |
| Bahnneigig | 147,1° |
| Umlaufzitt | 758,8 Däg |
| Middleri Orbitalgschwindigkeit | 2,29 km/s |
| Physikalischi Eigeschafte | |
| Albedo | 0,04 |
| Schinbari Helligkeit | 20,8 mag |
| Middlerer Durchmesser | 7 km |
| Masse | ≈ 8,7×1014 kg |
| Fallbeschlünigung an dr Oberflächi | ≈ 0 m/s² |
| Fluchtgschwindigkeit | ≈ 0 m/s |
| Entdeckig | |
| Entdecker | Spacewatch |
| Datum vu dr Entdeckig | 6. Oktober 1999 |
| Dialäkt: Markgräflerisch (Ebringe) |
D' Callirrhoe (Jupitermond XVII) isch ein vu dr usserschte bekannte Mönd vum Planet Jupiter.
Entdeckig
[ändere | Quälltäxt bearbeite]D'Callirrhoe isch am 6. Oktober 1999 vu dr Astronome Timothy B. Spahr, Jim V. Scotti, Robert S. McMillan, Jeff A. Larsen, Joe Montani, Arianna E. Gleason un Tom Gehrels im Ramme vum Spacewatch-Programm entdeckt worre. Zuenächscht het mer dr Himmelskörper fier e Asteroid ghalde (1999 UX18). Dr Timothy B. Spahr het no am 18. Juli 2000 feschtgstellt, dass es sich um e wittere Mond vum Jupiter handelt, wo no die vorläufig Bezeichnig S/1999 J 1 erhalde het.
Daift worre isch dr Mond uf d'Kallirrhoe, d Mueder vum Ganymed us dr grichische Mythologi.
Bahndate
[ändere | Quälltäxt bearbeite]D'Callirrhoe umchreist dr Jupiter ime middlere Abstand vu 24.103.000 km in 758 Däg, 18 Stund un 29 Minüte. D'Bahn wiist e Exzentrizität vu 0,2828 uf. Mit ere Neigig vu 145,158° isch d'Bahn retrograd, d. h., dr Mond beweggt sich entgege vu dr Rotationsrichtig vum Jupiter um dr Planet.
Ufgrund vu ihrene Bahneigeschafte wird d'Callirrhoe in dr Pasiphae-Gruppe, benennt nochem Jupitermond Pasiphae, zuegordnet.
Physikalischi Date
[ändere | Quälltäxt bearbeite]D'Callirrhoe besitzt e Durchmesser vu etwa 7 km. Ihri Dichti wird uf 2,6 g/cm3 gschätzt, sofern si iberwigend us silikatischem Gstei ufbaut isch. Si wiist e sehr dunkli Oberflächi mit ere Albedo vu 0,04 uf, d. h., bloss 4 % vum igstrahlte Sunneliecht werre reflektiert. Ihri schinbari Helligkeit betrait 20,7m.
Wie bi allene ussere, chleine Jupitermönd sin die Date iber die physikalische Eigeschafte sehr usicher. Sälli Mönd sin so chlei, dass si au in dr gröschte irdische Teleskope numme e winzigs Liechtpünktli sin. Si sin au sowit ewegg vum Jupiter, dass keini vu dr bisherige Jupitersonde e Vorbiflueg undernumme het. Doher wird sich - es isch wohl uf längeri Zitt kei Sonde meh bim Jupiter - die schlecht Datelag au in de nächschte Johrzehnte nit ändere.
