Cajus (Bischof vu Rom)

Dr Cajus oder Gajus (* z Dalmatie; † 22. April 296) isch vum 17. Dezämber 283 bis zum 22. April 296 Bischof vu Rom sii.

Är isch dr Suhn vum Gajus oder – no syre Nichte, dr Hailige Susanna vu Concordia – e Verwandte vum Chaiser Diokletian gsii. Unter syre Laitig hän d Chrischte e Zytlang e rueigeri Zyt ghaa zwische dr Verfolgig unter em Valerian un unter em Diokletian. Ußer dr Informatione im Liber Pontificalis waißt mer wenig iber en.

Lääben un Wirke

Gabinus isch dr Name vum Vater vu dr Hailige Susanna. Wäge däm nimmt mer aa, ass dr Cajus dr Unkel vu dr Hailige Susanna gsii isch.

In syre Amtszyt het d Chrischteverfolgig wider zuegnuu, drotz ass neii Chilche un Fridhef hän chenne böue wäre. Wahrschyns isch er nit as Märtyrer gstorbe, wel d Chrischteverfolgig unter em Diokletian het erscht anne 303 aagfange, also noch em vermuetete Dod vum Cajus, un dr Diokletian isch uf sym Wäg zum Chaiser dr Chrischte gegeniber nit immer fyndli yygstellt gsii. As Bischof vu Rom het dr Cajus verfiegt, ass e chimftige Bischof zerscht Lektor, Exorzischt, Akolyth, Subdiakon, Diakon un Prieschter mueß gsii syy.

Em Cajus sy Grab, wu au sy Siigelring dine gsii isch, isch mit dr originale Grabinschrift in dr Calixtus-Katakombe z Rom entdeckt wore. Anne 1631 isch sy vermuetete Amtssitz in e Chilche umgwandlet wore, wu aber 1880 em italienische Verdaidigungsminischterium het mieße wyche, syni Reliquie sin derno in d Kapäll vu dr Familie Barberini iberfiert wore.

Sy Mahndag isch, zäme mit däm vum Soterus, dr 22. April. In dr Chunscht wird dr Hailig Cajus mit dr Tiara mit eme Bild vum Hailige Nereus dargstellt. Är wird in dr Hauptsach z Dalmatie un z Venedig verehrt. Z Floränz isch em d Chilche San Gaggio geweiht.

Literatur

Friedrich Wilhelm Bautz: Cajus (Gajus). In: Biographisch-Bibliographisches Kirchenlexikon (BBKL). Band 1, Hamm 1975, Sp. 850.
Jülicher: Gaius 8). In: Paulys Realencyclopädie der classischen Altertumswissenschaft (RE). Band VII,1, Stuttgart 1910, Sp. 510.
Ytrag in d Catholic Encyclopedia, Robert Appleton Company, New York 1913 (änglisch)

Weblink

Commons: Cajus – Sammlig vo Multimediadateie

Gsamtwärch vu Migne Patrologia Latina mit Inhaltsverzaichnis

Vorgänger
Eutychianus

Bischof vu Rom
Dr Titel Papscht isch anne 384 zum erschte Mol brucht wore.
283–296

Nochfolger
Marcellinus

Dä Artikel basiert uff ere fräie Übersetzig vu dere Version vum Artikel „Cajus_(Bischof_von_Rom)“ vu de dütsche Wikipedia. E Liste vu de Autore un Versione isch do z finde.