CJ Be 4/4
| Be 4/4 | |
|---|---|
 | |
| Nummerierig: | 651 - 655 |
| Azahl: | 5 |
| Hersteller: | Stadler Rail |
| Baujohr: | 2016 |
| Achsformel: | B0'B0' |
| Spurwiiti: | 1000 mm |
| Längi über Kupplig: | 20,26 m |
| Längi über Puffer: | 20,451 m |
| Längi: | 19,205 m |
| Höchi: | 3,856 m |
| Breiti: | 2,65 m |
| Dreihgstellachsstand: | 2 m |
| Dienstmasse: | 42,5 t |
| Höchstgschwindigkeit: | 100 km/h |
| Stundeleistig: | 1340 kW |
| Duuerleistig: | 1136 kW |
| Afahrzugkraft: | 150 kN |
| Triibraddurchmässer: | 810 mm |
| Laufraddurchmässer: | 770 mm |
| Raddurchmässer: | 810 mm |
| Stromsystem: | 1500 V = |
| Stromüberdrägig: | Stromabnähmer |
| Zahl vo de Fahrmotor: | 4 |
| Zugsicherig: | ZST-90+ |
| Kuppligstyp: | Führerstandssite: Schwab, Hinde: +GF+ |
| Sitzplätz: | 40 |
| Stehplätz: | 70 |
| Fuessbodehöchi: | Niderfluer: 400 mm, Hochfluer: 1040 mm |
| Niiderfluradeil: | Ja |
| Klasse: | 1 Klass |
| Bsunderheite: | Behindertegrächts WC |
D CJ Be 4/4 651 - 655 sind elektrischi Niederflur-Triebwagen vom Härsteller Stadler Rail, wo bi der Chemins de fer du Jura im Isatz sind. Ds Konzäpt vom Meterspurtribwage wist einigi Gmeinsamkeite mit de normalspurige Stadler Flirt uf.
Usgangslag
[ändere | Quälltäxt bearbeite]
2009 het d Nyon-Saint-Cergue-Morez-Bahn (NStCM) bi Stadler vier zweiteiligi Triebzüg ABe 4/8 bstellt.[1]
Der Kanton Waadt verweigret allerdings d Finanzierig vo der Chliserie und fordret us Chostegründ en gmeinsami Bstellig mit andere Bahne.[1] Wärendesse verzeichne mehreri Meterspurbahne iner Romandie starchi Nachfragestigerig, so dass der Kanton Waadt en Kapazitätsstigerig und Erneuerig vo de uf dem Gebiet fahrende Privatbahne beschlosse het.[2] Dadruf hei d drei Waadtländer Meterspurbahne MBC, Travys und Montreux-Berner Oberland-Bahn (MOB) zämme mit de Transports publics fribourgeois (TPF) d Liefrig vo 17 zwei- und dreiteiligen Triebzüge usgschribe. Stadler Bussnang het de Uftrag in Wärt vo 151 Millione Franke becho.[3] Im Herbst 2014 bschtellt d Chemins de fer du Jura (CJ) nachträglich füf eiteiligi Tribwäge. Ursprünglich het d CJ kompletti Triebzüg welle beschaffe, d bereitgstande Mittel hät aber nur für drei Züg glengt.[4]
Mit de Be 4/4 651–655 sowie füf modernisierte Stürwage ABt 711–715 us de Jahr 1985/86 und de drei modernisierte Mittelwage cha d CJ de Regelvercher sit 2016 mit behindertegrächte Kompositione abdecke.[4] Zerst sinds uf der Strecki Tavannes–Le Noirmont im Isatz gsi.[5]
Technik
[ändere | Quälltäxt bearbeite]Die Meterspurzüg wise paar Gmeinsamkeite mitem normalspurige Stadler Flirt uf. So sind d atribne Drähgstell a de üsserste Ende vo de Züg und d elektrische, starch redundant Usrüschtig ufem Dach ageordnet. Uf Jakobsdrähgstell wie bim Flirt isch verzichtet worde, wil mit dem bi Meterspurfahrzig kei niderflurigi Wageübergäng erreichbar sind. D Höchstgschwindigkeit vo 100 km/h cha ned bi alle Bahne usgfahre wärde.
Mechanischer Teil
[ändere | Quälltäxt bearbeite]
D Wagechäste bestehnd us ener vollständig geschweisste Aluminiumkonstruktion. Ds Grundkonzept vo de Triebwage chunt vo de Zahnradtribzüg Adler und Fink vo der Zentralbahn. D Frontpartie entspräche de verschärfte Crashnorme. En zuesätzliche Querträger im Füehrertisch-Brüstungsbereich treit de Kollisionsrisike ni de Bahne mit Rollbockvercher Rächnig. D Konstruktion vo der Füehrerkabine und d Aordnig vo de Bedienelemänt lähne sich starch an di vo de Adler- und Finkzüg a. D Verkleidig vo der Füehrerkabine besteit us enre GFK-Sandwichkonstruktion. D erschte Schmalspurfahrzüg vo Stadler mit so ere Frontpartie sind d Schmalspur-Flirt ABe 4/8 „Diamant“ vo der BDWM.[6]
D Triebdrähgstell sind en Witerentwicklig vo de Allegra-Züg vo der RhB, d Achsatrib sind vo de Adler- und Fink-Züg. En churze Radstand vo 2000 Millimeter und ein Drähkranz ermögliche en optimale Lauf inde Kurve. Die Drähgstell chäne mit Magnetschinebrämse usgstatet wärde.
Die Pendelzüg Be 4/4 + ABt vo der CJ wise uf der Füehrerstandssite en Schwab-Kupplig und innerhalb vo der Komposition d bis jetz üblich +GF+-Kupplig uf.[5]
Wie bi Stadler-Fahrzüg üblich nimmt d Sitzaordnig uf d Fensterteilig Rücksicht, fer de Fahrgäscht en unghinderte Usblick ds ermögliche. Di Fuessbodehöhi betreit im Niderfluerbereich iheitlichi 480 mm. Im Türbereich senkt si sich über e Rampe uf 407 mm. D Tribwage verfüege über Schiebetritt.
Elektrischer Teil
[ändere | Quälltäxt bearbeite]D vo ABB stammend Traktionsusrüschtig bsteit wäge de unterschiedlichen Stromsystem vo 15 kV 16,7 Hz Wechselstrom und 1500 beziehigswis 900 V Glichstrom us zwei Gruppe. D Wächselstromfahrzüg verfüge über zwei Einholmstromabnehmer, wo d unerfluer iner Nechi vo de Drähgstell montierte Transformatore mit Strom versorge. Hie handelts sich nach de ET1–ET9 vo der Mariazellerbahn um d erschte Tribfahrzüg mit Trockentransformatore. D zwei Stromrichterblöck sind, wil ufem Dach der Platz fählt, an beide Wagechaschteende installiert. In ihne spist en Vierquadrantensteller de Glichstromzwischenkreis. Vo hie a isch di elektrisch Usrüschtig vo de Wächsel- und Glichstromzüg prinzipiell glich.
D Traktionsusrüschtig mit ihrer Stürig und Leittechnik isch in hohem Mass redundant usgfüehrt, für es Ligebleibe uf der Strecki z vermide.
D Tribwage vo der CJ sind für d Spisig vome Stürwage mit Stromabnähmer und Transformator vorbereitet. D Jurabahne welle e dritti Schiene uf der SBB-Strecki Glovelier–Delémont realisiere, für durchgehendi Züg vo Delsberg uf La Chaux-de-Fonds z ermögliche.
→ lueg au Abschnitt Verlängerung nach Delsberg im Artikel Régional Saignelégier–Glovelier
Näme
[ändere | Quälltäxt bearbeite]D Tribwäge sind nach Schmätterlinge tauft worde
| CJ | |
|---|---|
| Nr. | Name |
| 651 | Le Paon-du-Jour |
| 652 | Le Machaon |
| 653 | L'Apollon |
| 654 | L'Aurore |
| 655 | La Belle-Dame |
Literatur
[ändere | Quälltäxt bearbeite]- Meterspur-Triebwagen Be 4/4. La Chaux-de-Fonds–Glovelier und Le Noirmont–Tavannes. Datenblatt von Stadler Rail Bussnang, als PDF zum Download (PDF; 2,8 MB).
- Jürg Lüthard, Urs Wieser: Neue Triebzüge für Westschweizer Meterspurbahnen. In: Schweizer Eisenbahn-Revue. Nr. 6/2016. Minirex, ISSN 1022-7113, S. 301–307.
- Jürg Lüthard, Urs Wieser: Neue Triebzüge für Westschweizer Meterspurbahnen. (Fortsetzung). In: Schweizer Eisenbahn-Revue. Nr. 7/2016, S. 361–367.
Weblinks
[ändere | Quälltäxt bearbeite]
Commons: Be 4/4 651-655 – Sammlig vo Multimediadateie- CJ Be 4/4. Auf: portal@juergs.ch, abgerufen am 19. Januar 2021.
Fuessnote
[ändere | Quälltäxt bearbeite]- ↑ 1,0 1,1 Jürg Lüthard, Urs Wieser: Neue Triebzüge für Westschweizer Meterspurbahnen. In: Schweizer Eisenbahn-Revue. Nr. 6/2016. S. 301–307.
- ↑ Mathias Rellstab: Investitionsprogramm für Waadtländer Privatbahnen. In: Schweizer Eisenbahn-Revue. Nr. 8-9/2013. S. 392.
- ↑ Mathias Rellstab: 17 Stadler-Züge für vier Westschweizer Meterspurbahnen. In: Schweizer Eisenbahn-Revue. Nr. 4/2013. S. 168.
- ↑ 4,0 4,1 Matthias Rellstab: CJ kaufen fünf Stadler-Triebwagen. In: Schweizer Eisenbahn-Revue. Nr. 10/2014. S. 490.
- ↑ 5,0 5,1 U. Jossi: Neue CJ-Triebwagen im Einsatz. In: Schweizer Eisenbahn-Revue. Nr. 7/2017. S. 325.
- ↑ Theo Weiss: Stadler – Von der Stollenlokomotive zum Doppelstockzug. Minirex, Luzern 2010, ISBN 978-3-907014-33-2. S. 114