Burg Fridlige

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
p1p3
Burg Fridlige
Alternativnäme: Schloss Ötlikon, Schloss Fridlige
Entstehigsziit: um 1311
Erhaltigszuestand: Burgstall
Ständischi Stellig: Adligi
Ort: Wyyl-Fridlige
Geografischi Lag 47° 36′ 3″ N, 7° 36′ 24″ O47.6008333333337.6066666666667Koordinaten: 47° 36′ 3″ N, 7° 36′ 24″ O
Burg Fridlige (Baden-Württemberg)
Burg Fridlige

D Burg Fridlige isch e abgangeni Burg uf em Baan vu Fridlige, eme Ortsdeil vu dr Stadt Wyyl im Landchreis Lörrach z Bade-Wirttebärg. Bis anne 1650 isch fir d Burg Fridlige dr Namme Schloß Ötlikon gängig gsi, hite sait mer ender Schloss Fridlige.

Lag[ändere | Quälltäxt bearbeite]

S Schloss Fridlige im Markgreflerland im 17. Johrhundert

S Schloss Fridlige isch am Fueß vum Leopoldshöcher Rai gläge, weschtli vu dr hitige Sternschanzstroß, zwisch em Weiherweg un dr Lustgartenstroß. S Schloss isch bschribe wore as e paradisische Ort zmitts in ere wunderschene Auelandschaft, umgee vu Wejer un alte Baumbständ. Wäg syyre exponierte Gränzlag, zue Frankryych un au zue dr Stadt Basel, isch d Gegnig um s Schloss als zum Schauplatz vu chriegische Handlige wore. Schließli isch em Schloss d Nechi zue dr franzesische Vauban-Feschtig Hìninge zum Verhängnis wore, wu d Franzose im 17. und 18. Johrhundert vu dert uus Yyfäll in s Markgreflerland gmacht hän.

Gschicht[ändere | Quälltäxt bearbeite]

S Dorf Ötlikon isch im Johr 1280 s erscht Mol urkundli gnännt wore, s het dertemol zue dr Landgrofschaft Susebärg ghert. Wänn un vu wäm s böue woren isch, isch nit bekannt. Anne 1311 isch s wider gnännt wore, wu s as Läche vu dr Herre vu Röttle an d Basler Ritter vu dr Münch vu Münchestei chuu isch. Im Johr 1356 isch s Schloss dur s groß Basler ErdbebenBasler Ärdbidem gschlisse wore. 1368 het dr Konrad Münch vu Münchestei s Schloss un e baar Ortschafte fir 1400 Gulde verchauft an dr Röttler Markgrof Rudolf.

Im 15. Johrhundert wird s Schloss, wie dr Basler Chronischt Christian Wurstisen gschribe het, in dr Wirre vum Alte Zürichrieg vu dr Basler in Brand gsetzt. Hintergrund isch e Rochezug vu dr Basler in dr vordereschtryychisch Bryysgau. Uf ihre Ruckchehr hän d Basler s Schloss aazunde, wu dr Basler Burger Adelberg von Bärenfels din gsi isch, wel dää sich, wie anderi Basler Ritter au, fir d Beruefig vu dr Armagnake-Seldner gege d Schwyzer uusgsproche gha het.

Schloss Ötlikon, Darstellig us em Thesaurus philopoliticus vum Daniel Meisner, um 1623.

In dr Zyt derno isch s Schloss verfalle un erscht anne 1561, iber hundert Johr speter, vum Michael Rappenberger, em Landschryyber z Röttle, wider in Stand gsetzt. Derno hän s d Herre vu Rotberg gchauft. Im Johr 1640 het s dr Markgrof Friedrich V. vu Bade gchauft im Dusch gege s Dorf Hertinge. D Zyt vum Dryysgjehrige Chrieg het s Schloss nit ohni Schöde iberstande un het wäge däm wider mieße renoviert wäre. Im Aadänke an dr Weschtfälisch Fride un di iberwunde Chriegszyt het dr Markgrof s Schloss Ötlikon anne 1650 in Schloss Friedlingen umgnännt. In dr negschte 28 Johr het s Schloss e Blueschtzyt erläbt, wu s vu dr markgreflige Familie fir gsellschaftligi Aaläss, wie Hochzyte, Hoffescht un Jagde gnutzt woren isch. Anne 1678 isch s Schloss Fridlige im Holländische Chrieg vu franzesische Druppe bsetzt un deilwyys gschlisse wore. Im Gegesatz zue dr gschlissee Nochberschlesser Röttle, Suseburg, Badewyyler oder Hiltelige, isch s Schloss Fridlige wider in Stand gsetzt wore.

S nej, rächt stattlig Chammerguet Fridlige isch us em Schloss, em Meierhof mit Wohnhuus, Hof, Schyyre, Staal, Schopf, eme Scheferhyysli, eme Baum-, Chrut- un Grasgarte, landwirtschaftlige Flechine, verschidene Fischwejer un zwo Ryyinsle bstande.

Am 14. Oktober 1702 isch s Schloss im Spanische Erbfolgechrieg in dr Schlacht vu Fridlige ändgiltig gschlisse wore. Wu di bede letschte verblibene Buurehef vum Dorf Fridlige anne 1733 im polnische Erbfolgchrieg gschlisse wore sin, het sich dr Markgrof Karl Friedrich entschlosse, s Chammerguet un d Ländereie, wu derzue ghert hän, an verschideni buure un d Gmei Wyyl z verchaufe.

Vu dr ehmolige Burgaalag isch hite nyt me erhalte.

Literatur[ändere | Quälltäxt bearbeite]

  • Max Miller, Gerhard Taddey: Handbuch der historischen Stätten Deutschlands. Band 6. Baden-Württemberg. Alfred Kröner Verlag, Stuttgart, 1965
  • Ludwig Keller: Geschichte der Stadt Weil am Rhein. Weil am Rhein, 1961
  • Bruno Rabus: Friedlingen im Wandel Zeiten in Das Markgräflerland, Band 2/2000. Schopheim, 2000.
  • Heinz Schneider, Beat Ernst: Natur und Landschaft der Region Basel, CD-Rom. Christoph Merian Verlag, Basel.

Weblink[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vu dere Version vum Artikel „Burg_Friedlingen“ vu de dütsche Wikipedia.

E Liste vu de Autore un Versione isch do z finde.