Schloss Enteschtai
Schloss Enteschtai isch e Wasserschloss im Ortschäärn vu Schlienge, im Landchrais Löörech z Baade-Wiirtebäärg.
Gschiicht
[ändere | Quälltäxt bearbeite]Mer waißt nit gnau, wänn s Schloss entstande isch. Zum eerschte Mool isch an däre Stell anne 821 e Gebei gee, wu dr Walter vu Schlienge bruucht het. Scho um 1000 isch s schyns e Woonduurm gsii. Im 13. Johrhundert giltet dr Rudolf vu Üseberg (1207–1231) as Bsitzer vum Enteschtai. Anne 1525 isch d Aalaag dur s Gschläächt vu dr Nagel von der Alten Schönstein zue me Schloss uusböue woore. 1725 isch s Schloss vum Fiirschtbischof vu Basel, em Johann Konrad II. vu Riinach-Hirtzbach, gchauft un as Sitz vu dr Obervogtei Schlienge vum Fiirschtbischdum Baasel bruucht woore.[1] 1805 isch s Schloss zue me Oberamtssitz vum Land Baade woore. No 1857 hän s d Groofe vu Andlau wyter umböue. Dr letscht Aigediimer us em Gschläächt vu dr Andlauer, dr Groof Oktav von Andlau, isch anne 1961 gstoorbe un het s Schloss em Jesuiteoorde vereerbt, wu dr Böu aber nit het chenne bruuche.
D Gmai Schlienge het s Schloss zeerscht paachtet un e Dail vu dr Gmaiverwaltig deert aane glait. Anne 1965 isch e Zäntraalhaizig yyböue woore. 1970 isch s Schloss mit samt Schlosspark un em Chanzleigebei dur d Gmai Schlienge gchauft un renoviert woore. Zeerscht isch dr verwilderet Schlosspark häärgriichtet un fir dr Effetligkait zuegängli gmacht woore. Anne 1975 isch s Schloss usse vollständig renoviert un s Dachgschoss uusböue woore. Dr Wassergraabe isch um 1850 zuegschittet woore, jetz het mer aafange dischpetiere, eb mer där Graabe soll wider häärstelle. Des isch derno au gmacht woore, doderfir het mer e 200 Meeter langi Zuelaitig vum Maucherner Bach mieße aaleege. Bim Uusgraabe vum Wassergraabe hän au d Lyt vum Feerderverain mitghulfe. Go dr Böu vor Wasserschääde schitze isch e Betoonwand vor d Fundamäntmauure gsetzt woore.[2] Finanziert het mer di ganz Renovierig us Mittel vun eme Konjunkturprogramm, vu dr Denkmoolspflääg un vum Feerderverain.
Syt dr Renovierig un dr Widerhäärstellig as Wasserschloss in dr Johr 1975 bis 1977 wird s Schloss as Roothuus bruucht.
Literatur
[ändere | Quälltäxt bearbeite]- Franz Josef Mayer: Vom Weiherhaus zum Rathaus. Aus der noch nicht veröffentlichten Chronik der Gemeinde Schliengen. In: Das Markgräflerland, Heft 3/4, 1980, S. 289–291 Digitalisat der UB Freiburg
- Klaus Mannhardt: Restauration Schloß Entenstein. In: Das Markgräflerland, Heft 3/4, 1980, S. 291–299 Digitalisat der UB Freiburg
Weblink
[ändere | Quälltäxt bearbeite]
Commons: Wasserschloss Entenstein – Sammlig vo Multimediadateie- Wasserschloss Entenstein
- Yytrag iber Entenstein in dr EBIDAT, dr wisseschaftlige Datebank vum Europäische Burgeninstitut
- Wasserschloss Entenstein uf dr Homepage vum Landchrais Löörech
- Wasserschloss Entenstein uf Landeskunde entdecken online leobw
Fueßnote
[ändere | Quälltäxt bearbeite]- ↑ alemannische-seiten.de
- ↑ s. Mannhardt S. 292
Koordinate: 47° 45′ 18″ N, 7° 34′ 41″ O
|
Dä Artikel basiert uff ere fräie Übersetzig vu dere Version vum Artikel „Schloss_Entenstein“ vu de dütsche Wikipedia. E Liste vu de Autore un Versione isch do z finde. |