Dr Bluemeblatz z Baasel

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Bluemeblatz
Wappen Basel-Stadt matt.svg
Blatz z Basel
Bluemeblatz
S Hotel Les Trois Rois am Bluemeblatz
Basisdaate
Ort Basel
Kwardier Vorstedt
Aagläit Middelalter
Stroosse, wo in Blatz iinechömme Spiegelgass, Bluemerain, Schiffländi
Bauwärk Hotel Les Trois Rois
Nutzig
Nutzergrubbe Verkeer
Dialäkt: Baaseldütsch
Usschnitt us dr Stadtaasicht vo Basel vom Matthäus Merian, 1642.[1] Dr Bluemeblatz isch in dr Middi in dr undere Helfti vo däm Bild. Linggs am Blatz stoot dr Salzdurm (Nummere 24). Grad rächts näben em Durm gseet mä e Stüggli Muure mit eme Door zum Rhii. Vo rächts chunnt dr Bluemerain in Blatz iine, vo oobe d Spiegelgass.

Dr Bluemeblatz isch e Blatz ganz nooch bim Rhii im Vorstedtgwardier in dr Stadt Baasel.

Gschicht[ändere | Quälltäxt bearbeite]

Dr Bluemeblatz lit ganz in dr Nööchi vo wo dr Birsig in Rhii mündet. E baar Dozed Meter rhiiuf isch d Schiffländi und die Middleri Brugg. Säll Gebiet ghöört zu de erste, wo d Lüt sich im Middelalter in dere Umgääbig niidergloo häi. Wie bi dr Schiffländi häi au do bim Bluemeblatz Boot chönne lande und grad drnääbe isch dr Salzdurm gstande. In dr Muure uf e Rhii zue het s e Düüre gee, so dass mä liicht vom Uufer uf e Blatz choo isch.

Bim Bluemeblatz isch im Middelalter äini vo de eltiste Chille vo dr Stadt gstande, d Brandankapälle,[2] und nääbere isch mänggisch Gricht ghalte worde.[3] D Brandolfskwelle nääbe draa, wo im Gasthuus «zem Blumen» entsprungen isch, isch scho im 13. Joorhundert erwäänt worde.[4]

Dr Zuegang zum Blatz vo dr Schiffländi us, die Underi Chrüzgass, isch näben em Salzdurm verbiigange und seer äng gsi, bis dr Gasthoof «Zem Blumen» und d Brandankapälle abgrisse worde si. Bis zur Stroossekorrekzioon vo 1760 het mä nonig mit Fuerwärk duure chönne und wo d Strooss denn ändlig offe gsi isch, isch das schon e Grund für e chliises Festli gsi. Dr Bluemeblatz und dr Bluemerain häi non e baar Mol Korrekzioone erläbt, so in de 1860er, 1911 und 1932. Wil das im Allgemäine drvo abghange het, ass d Stadt d Liigeschafte het chönne chaufe, wo bi de Erwiterige gstöört häi, het s immer wider Schwiirikäite gee, wil d Äigedümer vilmol nid häi welle verchaufe.[2]

Fuessnoote[ändere | Quälltäxt bearbeite]

  1. Merian Basel 1642.jpg
    Uf dr Aasicht vom Merian vo 1642 gseet mä dr Bluemeblatz e chli bachab vo dr Rhiibrugg uf dr Groossbaasler Site
  2. 2,0 2,1 Blumenplatz uf basler-bauten.ch, abgrüeft am 15. Jänner 2013
  3. Basel im vierzehnten Jahrhundert: Geschichtliche Darstellungen zur fünften Säcularfeier des Erdbebens am S. Lucastage 1356, usegee vo dr Historische und Antikwarische Gsellschaft zu Basel, H. Georg, 1856, S. 91
  4. Basel im vierzehnten Jahrhundert, usegee vo dr Historische und Antikwarische Gsellschaft zu Basel, H. Georg, 1856, S. 75

47.5604397.587674Koordinate 47° 33′ 37,6″ N, 7° 35′ 15,6″ O; CH1903: 611218 / 267758